თბილისის საქალაქო სასამართლომ ბადრი ბიწაძეს აღმკვეთ ღონისძიებად გირაო შეუფარდა. ამის შესახებ ინფორმაცია მთავარი პროკურატურის ვებგვერდზეა განთავსებული.
„2011 წლის 31 მაისს საქართველოს პროკურატურამ შუამდგომლობით მიმართა თბილისის საქალაქო სასამართლოს, სსკ-ის 353-ე მუხლის მე-2 ნაწილით გათვალისწინებულ დანაშაულში ბრალდებულ, ბადრი რეზოს ძე ბიწაძის მიმართ აღკვეთი ღონისძიების სახით გირაოს- ასი ათასი ლარის გამოყენების შესახებ. 2011 წლის 1 ივნისს სასამართლოს მიერ დაკმაყოფილებული იქნა პროკურატურის შუამდგომლობა“, - ნათქვმია მთავარი პორკურატურის განცხადებაში.
ბადრი ბიწაძეს ბრალად ედება წინასწარ შექმნილი ჯგუფის მიერ პოლიციაზე თავდასხმების ორგანიზება, რაც 4-დან 7 წლამდე პატიმრობას ითვალისწინებს.
ამასთან, ბადრი ბიწაძის ადგილსამყოფელი ამ დროისთვის უცნობია.
ინტერპრესნიუსი