„ალია ჰოლდინგი“ ზურაბ ქურციკიძის და გიორგი აბდალაძის თავდებით გათავისუფლებას ითხოვს.
11 ივლისს შსს-სთან მიმდინარე ჟურნალისტთა აქციაზე „ალია ჰოლდინგის“ ერთ-ერთმა რედაქტორმა დიმიტრი ტიკარაძემ გაავრცელა განცხადება, რომლის მიხედვითაც, გათვისუფლების შემთხვევაში ქურციკიძე და აბდალაძე ითანამშრომლებენ გამოძიებასთან.
„ალია ჰოლდინგმა“ ხელმოწერების შეგროვება დაიწყო, რომელსაც განცხადებასთან ერთად საქართველოში აკრედიტებული საელჩოებს, გაერო-ს ადამიანის უფლებათა დაცვის უმაღლესი კომისარს, ევროსაბჭოს და ევროკავშირის წარმომადგენლების, დემოკრატიული ქვეყნების მედიასაშუალებებს და საერთაშორისო უფლედამცველ ორგანიზაციებს გაუგზავნიან.
რაც შეეხება გედენიძეს, ტიკარაძის განცხადებით, გედენიძეზე არ არის საუბარი, ვინაიდან მან აღიარებითი ჩვენება მისცა.
განცხადებაში აღნიშნულია, რომ საქმეს გრიფი „საიდუმლო“ უნდა მოეხსნას და გამოძიება ობიექტურად და გამჭვირვალედ უნდა წარიმართოს.
განცხადებაზე ხელმომწერები თავდებში უდგებიან ქურციკიძეს და აბდალაძეს.
ინტერპრესნიუსი