ზურაბ ქურციკიძემ ადვოკატს ზეპირი განცხადება გადასცა

ზურაბ ქურციკიძე თავს უდანაშაულოდ მიიჩნევს და მადლობას უხდის ყველა იმ ადამიანს, რომელიც მხარს უჭერს და სჯერა მისი უდანაშაულობის, - აცხადებს მისი ადვოკატი ნინო ანდრიაშვილი.

ნინო ანდრიაშვილის განმარტებით, ზურაბ ქურციკიძეს წერილობითი განცხადების გავრცელება ჰქონდა დაგეგმილი, თუმცა, რადგანაც ციხის ადმინისტრაციის მხრიდან წერილობითი ინფორმაციის გამოტანა შეზღუდულია, ზეპირი განცხადების გავრცელება გადაწყვიტა.

აღსანიშნავია, რომ ციხის ადმინისტრაციამ გუშინ ადვოკატს ქურციკიძესთან საუბრისას მონიშნული ჩანაწერების გამოტანის საშუალება არ მისცა. მათ ჩანაწერის გაცნობა მოითხოვეს, რის შედეგადაც ადვოკატი იძულებული გახდა ფურცლები დაეხია.

ადამიანის უფლებათა ცენტრი