ფემინისტური მოძრაობა "ფემენის" აქტივისტის ინა შევჩენკოს დაკავების მიზეზი უკრაინაში საქართველოს საელჩოს თანამშრომლების განცხადება გახდა, რომლებმაც იგი კოლეგის პროვოცირებაში დაადანაშაულეს. ამის შესახებ "უკრაინსკაია პრავდა" წერს .
სამართალდამცავების განცხადებით, იმის მიუხედავად, რომ საქართველოს საელჩოს თანამშრომლის წინააღმდეგ სისხლის სამართლის საქმეა აღძრული, პასუხისგება "ფემენის" აქტივისტსაც მოუწევს.
შევჩენკო პოლიციამ სეირნობისას დააკავა. სამართალდამცავები ავტომანქანაში მის ჩასმას ცდილობდნენ, თუმცა, მან წინააღმდეგობის გაწევა დაიწყო და პოლიციისგან გაქცევა სცადა.
18 ივლისს, "ფემენის" აქციისას, რომელიც უკრაინაში საქართველოს საელჩოსთან რუსეთის სასარგებლოდ ჯაშუშობაში ბრალდებული ფოტორეპორტიორების მხარდასაჭერად იმართებოდა, საელჩოს დაცვის თანამშრომელი ერთ-ერთ ფოტოკორესპონდენტს თავს დაესხა. ის სამსახურიდან უკვე გათავისუფლებულია.
ინტერპრესნიუსი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
