5 სექტემბერს 14:00 საათზე ადამიანის უფლებათა ცენტრის ოფისში გაიმართება საგანგებო პრესკონფერენცია პატიმარ რუდიკ ოვაკიმიანის არაადამიანური მოპყრობის ფაქტებთან დაკავშირებით.

რუდიკ ოვაკიმიანი უყურადღებობისა და არასათანადო მოპყრობის გამო, ტუბერკულოზით დაავადდა. ამჟამად იგი თბილისის #8 ციხის სამკურნალო დაწესებულებაში იმყოფება, სადაც მას სიკვდილით ემუქრებიან.  „საჩივრების წერას თავს თუ არ დაანებებ, აქედან მორგში გაგიტანენ“, - უთხრა მას დაწესებულების უფროსმა, გიორგი ავსაჯანიშვილმა.

მისამართი: თბილისი, ა.ყაზბეგის 3 ა, მე-2 სადარბაზო, მე-4 სართული, ადამიანის უფლებათა ცენტრი