საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ ს/ს „კახეთის ენერგოდისტრიბუციის“ წინააღმდეგ, სიღნაღის რაიონის სოფელ ქვემო მაღაროს მაცხოვრებლების საჩივარი დააკმაყოფილა. ამის შესახებ კახეთის საინფორმაციო ცენტრს ენერგოომბუდსმენმა ვარლამ ფხაკაძემ განუცხადა.
„კომისიის გადაწყვეტილებით, აბონენტებს, რომლებსაც დიდი ნაშთები ერიცხებოდათ, თანხა ჩამოეწერებათ. კომისიამ დარიცხული თანხა არაკანონიერად სცნო. კომპანია აბონენტებს ინდივიდუალურ მრიცხველებს დაუმონტაჟებს და თანხას მრიცხველის ჩვენების საფუძველზე გადაიხდიან“, - აღნიშნა ვარლამ ფხაკაძემ.
შეგახსენებთ, რომ სიღნაღის რაიონის სოფელ მაღაროში 6 ოჯახს რვა თვეა ელექტროენერგია არ მიეწოდება. ს/ს „კახეთის ენერგოდისტრიბუცია“ აბონენტებს 1000-დან 2000 ლარამდე თანხის გადახდას ედავებოდა. აბონენტებს მიაჩნდათ, რომ ენერგოსადისტრიბუციო კომპანიის მოთხოვნა უსაფუძვლო იყო, რის გამოც ისინი თანხას არ იხდიდნენ.
იხილეთ ამ თემაზე კახეთის საინფორმაციო ცენტრის მიერ ჩატარებული ჟურნალისტური გამოძიება - ენერგორეკეტი.
კახეთის საინფორმაციო ცენტრი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
