ქუთაისის ქართულ-ინდური მეტალურგიული ქარხნის „ჰერკულესის“ გაფიცულ მუშა-მოსამსახურეებს პირველი ცვლის თანამშრომლებიც შეუერთდნენ. ამის შესახებ „ინტერპრესნიუსს“ საქართველოს გაერთიანებული პროფკავშირებიდან აცნობეს. 13 სექტემბერს გაფიცულებს ღამის ცვლის თანამშრომლები შეუერთდნენ.
როგორც პროფკავშირებში აცხადებენ, ამ დროისთვის საწარმოში მხოლოდ დირექცია და ქარხანაში დასაქმებული 150 ინდოეთის მოქალაქე იმყოფება, რომელთაც ქართველი მუშების სამუშაოს შესრულებაც უწევთ.
საწარმოში დასაქმებული მუშა-მოსამსახურეების გაფიცვის მიზეზი არახელსაყრელი შრომითი პირობები, გაუსაძლისი გარემო, ანტისანიტარია და ხელმძღვანელობის მხრიდან ცინიკური დამოკიდებულება გახდა. გაფიცვა 13 სექტემბერს დაიწყო და ქარხნის რამდენიმე თანამშრომელმა შიმშილობაც გამოაცხადა.
ქარხანაში დაახლოებით, საქართველოს 350 და ინდოეთის 150 მოქალაქეა დასაქმებული.
ინტერპრესნიუსი