25 სექტემბერს ბათუმში (მაზნიაშვილის ქ. # 9. სახალხო დამცველის ოფისი) ადამიანის უფლებათა ცენტრი ადგილობრივი არასამთავრობო და მედიის წარმომადგენლებისთვის ჩაატარებს ერთდღიან ტრენინგს თემაზე: „სიძულვილის ენა, სიძულვილის დანაშაული და ქართული რეალობა“.
პროექტი ხორციელდება ჰაინრიჰ ბიოლის ფონდის სამხრეთ კავკასიის ოფისის მიერ და დაფინანსებულია ევროკავშირის მიერ. ადამიანის უფლებათა ცენტრი პროექტის პარტნიორი ორგანიზაციაა, „ინტერნიუს - საქართველოსა“ და ასოციაცია „ათინათთან“ ერთად.
ტრენინგი გაიმართება ქართულ ენაზე და შერჩეული მონაწილეები ვალდებულნი არიან, ბოლომდე დაესწრონ სემინარს. სემინარი ჩატარდება 10:00 საათიდან 18:00 საათამდე. დაინტერესებულმა პირებმა CV უნდა გამოგზავნონ ელ-ფოსტაზე
achi_ko1985@yahoo.com 24 სექტემბრის 18:00 საათამდე.
მონაწილეები თვითონ არიან პასუხისმგებლები მუნიციპალიტეტებიდან მგზავრობაზე. სემინარში მონაწილეობა შეზღუდულია და აუდიტორია გათვალისწინებულია 20 მონაწილის რაოდენობით.
ადამიანის უფლებათა ცენტრი