18:07, Thursday, 04.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

შელაპარაკება თსუ-ს რექტორსა და სტუდენტებს შორის

03.10.2011
ივანე ჯავახიშვილის სახელობის თბილისის სახელმწიფო უნივერსიტეტში მცირე ინციდენტი მოხდა.

მაშინ, როდესაც უნივერსიტეტის რექტორი სანდრო კვიტაშვილი და განათლების და მეცნიერების მინისტრი დიმიტრი შაშკინი სტუდენტებს სწავლის დაწყებას ულოცავდნენ, ღონისძიებაზე სტუდენტთა საინიციატივო ჯგუფის "ლაბორატორია 1918" წევრები მივიდნენ და უნივერსიტეტში სწავლის ხარისხისა და ფასის შეუსაბამობა გააპროტესტეს.

„ნუ ატყუებთ სტუდენტებს“, „არა ავტორიტარულ განათლებას“, „განათლების რეფორმა ჩავარდა“, „ფასები მაღალი ხარისხი დაბალი“ - პლაკატებმა მსგავსი წარწერებით უნივერსიტეტის ადმინისტრაციის გაღიზიანება გამოიწვია.

როგორც საინიციატივო ჯგუფის წევრმა, ხატია ჩხენკელმა განაცხადა, განათლება, რომელსაც დღეს უნივერსიტეტი სტუდენტებს აძლევს, 2250 ლარი არ ღირს, სტუდენტური თვითმმართველობა კი „მთავრობის საქმეს აკეთებს“.

ამის საპასუხოდ კი, უნივერსიტეტის რექტორმა სანდრო კვიტაშვილმა აღნიშნა, რომ არსებობს სტუდენტთა ერთი ჯგუფი, რომელიც ადმინისტრაციასთან პრობლემებზე საუბრობს და მათი გადაჭრის გზებს სთავაზობს და მეორე ჯგუფი, რომელიც აბსოლუტურად ყველაფერს აპროტესტებს.

„როცა უნივერსიტეტის სტუდენტი აცხადებს, რომ 4 წელია აქ სწავლობს და ვერაფერი მიიღო, ხოლო ამის შემდეგ მაინც აქვე აბარებს გამოცდებს მაგისტრატურასა და დოქტორანტურაში, ან რაღაც სხვა პრობლემა აქვს, რომელიც ჩვენთვის უცნობია, ან სწორ არჩევანს ვერ აკეთებს. ვისაც პათოლოგიური ზიზღი აქვს აქაურობის მიმართ, შეუძლია სხვაგან წავიდეს“, - განაცხადა სანდრო კვიტაშვილმა.

საინიციატივო ჯგუფის წევრებმა რექტორს მოსთხოვეს, დაედო პირობა, რომ საინიციატივო ჯგუფში გაწევრიანებულ სტუდენტებს ფიზიკურ შეურაცხყოფას არ მიაყენებდნენ, რასაც სანდრო კვიტაშვილმა ისტერიკა უწოდა და აღნიშნა, რომ სტუდენტებს ხელით არასოდეს არავინ შეხებია.


პალიტრა.ტვ

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC