13:03, Wednesday, 08.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

12 წლის გოგონა ახლადგაკეთებულმა ხიდმა იმსხვერპლა

26.10.2011
12 წლის ნაზი მიქელაშვილი მდინარე არაგვში 2011 წლის 20 ივნისს დაიხრჩო. მაშინ მცხეთა-მთიანეთის საინფორმაციო ცენტრს დუშეთის მუნიციპალიტეტის გამგებელმა ლაშა ჯანაშვილმა განუცხადა, რომ ბავშვები მდინარის პირას თამაშობდნენ, ერთ-ერთ მათგანს ფეხი დაუცურდა და სტიქიის გამო ადიდებულ წყალში ჩავარდა.

გუშინ მცხეთა-მთიანეთის საინფორმაციო ცენტრის ჟურნალისტები უკანა ფშავში იმყოფებოდნენ. აღმოჩნდა, რომ სოფელ თხილიანაში 12 წლის გოგონას სიცოცხლე ახლადგაკეთებულმა ხიდმა იმსხვერპლა.

„ბავშვები და მასწავლებელი ხიდზე გადადიოდნენ. მოულოდნელად ხიდი ჩატყდა, ჩემი შვილიშვილი ადიდებულ არაგვში ჩავარდა. მასწავლებელმა მისი გადარჩენა ვერ მოახერხა, რადგან ნაზის დაც მდინარეში ვარდებოდა და მას დაეხმარა. ხიდი ახალი გაკეთებული იყო, მაგრამ როგორც ჩანს უხარისხოდ გააკეთეს და ამას ბავშვის სიცოცხლე შეეწირა,“- განუცხადა მცხეთა - მთიანეთის საინფორმაციო ცენტრს გარდაცვლილი ნაზი მიქელაშვილის პაპამ იოსებ ჯაბანიშვილმა.

სოფელ თხილიანას მაცხოვრებლების თქმით, გოგონას გარდაცვალების შემდეგ მათ ახლადგაკეთებული ხიდი მოშალეს და ისევ ძველი ხიდით სარგებლობენ, რომელიც სიცოცხლისთვის ასევე საშიშია.

დუშეთის მუნიციპალიტეტის გამგებლის მოადგილის მანანა ნარიმანიძის განცხადებით, სოფელ თხილიანაში ხიდი 2009 წელს გაკეთდა. ხიდის გასაკეთებლად 7 720 ლარი ცენტრალური ბიუჯეტიდან გამოიყო. ხიდის სამშენებლო სამუშაოები შპს „ფაზისმა“ შეასრულა.

გოგონას გარდაცვალების ფაქტზე დუშეთის პოლიციაში სისხლის სამართლის საქმე აღძრული არ არის.

მცხეთა-მთიანეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC