01:39, Friday, 15.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ჟურნალისტმა გელა მთივლიშვილმა საქართველოს მთავარ პროკურორს მიმართა

09.11.2011

კახეთის საინფორმაციო ცენტრი

კახეთის საინფორმაციო ცენტრის რედაქტორმა, ჟურნალისტმა გელა მთივლიშვილმა საქართველოს მთავარ პროკურორს მურთაზ ზოდელავას მიმართა.  ჟურნალისტი კახეთის საოლქო პროკურატურის ყოფილ პროკურორს ლევან საჩიშვილს უჩივის და მისი მხრიდან მუქარის ფაქტზე სისხლის სამართლის საქმის აღძვრას ითხოვს.

ჟურნალისტს იურიდიულ დახმარებას საქართველოს ახალგაზრდა იურისტთა ასოციაციასთან არსებული მედიის სამართლებრივი დაცვის ცენტრი უწევს.

საჩივარში აღნიშნულია: „მოგახსენებთ, რომ ვარ ჟურნალისტი, კახეთის საინფორმაციო ცენტრის რედაქტორი. 2011 წლის 6 ნოემბერს პირად ელ-ფოსტაზე მივიღე წერილი. წერილი 6 ნოემბერს, 3:12 საათზეა გამოგზავნილი ლევან საჩიშვილის პირადი მეილიდან. წერილში ლევან საჩიშვილი მაყენებს სიტყვიერ შეურაცხყოფას, მაგინებს ჩემი და ჩემი ოჯახის მისამართით და ასევე, რაც ყველაზე მთავარია, წერილის ბოლოს წერს, რომ სადაც შემხვდება, იქ დამამიწებს, ანუ ლევან საჩიშვილი დამემუქრა სიცოცხლის მოსპობით.

ლევან საჩიშვილის საქმიანობიდან და პიროვნებიდან გამომდინარე, მე გამიჩდა საფუძვლიანი შიში, რომ ეს პიროვნება რეალურად განახორციელებს მუქარას. ლევან საჩიშვილთან დაკავშირებით, კახეთის საინფორმაციო ცენტრმა 4 ნოემბერს გაავრცელა ინფორმაცია. ჩვენ ვწერდით, რომ კახეთის საოლქო პროკურატურის პროკურორი ლევან საჩიშვილი სისხლის სამართლის პასუხისგებაში მისცეს. კახეთის საინფორმაციო ცენტრის ინფორმაციით, საჩიშვილს თანამდებობის ბოროტად გამოყენებაში ადანაშაულებენ. თელავის რაიონულმა სასამართლომ მას აღკვეთის ღონისძიების სახით გირაო შეუფარდა. კახეთის საინფორმაციო ცენტრის ინფორმაციით, საჩიშვილმა ერთ-ერთ საქმეზე დანაშაულში ეჭვმიტანილ პირს ბრალი კანონით დადგენილ ვადაში არ წაუყენა, რის გამოც პირი სისხლის სამართლის პასუხისმგებლობიდან გათავისუფლდა“ (იხ. მასალა). ვფიქრობ, რომ სწორედ აღნიშნულმა სტატიამ გამოიწვია ლევან საჩიშვილის გაღიზიანება.

იქიდან გამომდინარე, რომ საჩიშვილის გაღიზიანება გამოწვეულია ჩემი პროფესიული საქმიანობის განხორციელებით, კერძოდ, ზემოაღნიშნული ინფორმაციის გამოქვეყნებით, გამიჩნდა მის მიერ მუქარის განხორციელების საფუძვლიანი შიში. ლევან საჩიშვილი არის კახეთის საოლქო პროკურატურის ყოფილი თანამშრომელი, მისი ძმა, აკა საჩიშვილი მუშაობს თელავის პოლიციის უფროსის მოადგილედ, ამასთან, კახეთის საინფორმაციო ცენტრისთვის ცნობილი და დაზუსტებული ინფორმაციით, ვიდრე თანამდებობის ბოროტად გამოყენების ბრალდებით ლევან საჩიშვილს პროკურატურიდან გაათავისუფლებდნენ, მან და კიდევ ერთმა სამართალდამცავმა, ტაბელური იარაღით, თელავში, მამაკაცი ისე სცემეს, რომ დაშავებული რაიონულ საავადმყოფოში მოათავსეს. ნებისმიერ ადამიანს გაუჩნდება შიში, რომ ასეთი მუქარა რეალურად იქნება განხორციელებული. მე  ყოველ წუთს ველოდები მისი მხრიდან ძალადობრივ ქმედებას. ყველა ადამიანს აქვს მშვიდ და მყუდრო გარემოში ცხოვრების უფლება, ლევან საჩიშვილის რეალური მუქარები კი არ მაძლევს მშვიდად ცხოვრების საშუალებას.

საქართველოს სისხლის სამართლის კოდექსის 151-ე მუხლით, დასჯადია: სიცოცხლის მოსპობის ან ჯანმრთელობის დაზიანების ანდა ქონების განადგურების მუქარა, როცა მას, ვისაც ემუქრებიან, გაუჩნდა მუქარის განხორციელების საფუძვლიანი შიში.

ამასთან, მუქარის წერილით ჩდება საფუძვლიანი ეჭვი იმისა, რომ მას სურს მე, როგორც ჟურნალისტმა არ განვაგრძო ჩემი ჟურნალისტური საქმიანობა, რადგან  მუქარის წერილი ჩემი ჟურნალისტური საქმიანობიდან გამომდინარე იქნა გამოგზავნილი. საქართველოს სისხლის სამართლის კოდექსის 154-ე მუხლის თანახმად, ჟურნალისტისათვის პროფესიულ საქმიანობაში უკანონოდ ხელის შეშლა, ესე იგი მისი იძულება, გაავრცელოს ინფორმაცია ან თავი შეიკავოს მისი გავრცელებისაგან, დასჯადია. აღნიშნული დანაშაულის ჩადენა ძალადობის მუქარით კი დამამძიმებელი გარეომებაა.

ყოველივე ზემოაღნიშნულიდან გამომდინარე, გთხოვთ, შეაფასოთ ჩემს მიერ მოყვანილი გარემოებები სამართლებრივად და საქართველოს სისხლის სამართლის საპროცესო კოდექსის მე-100 მუხლის საფუძველზე  დაიწყოთ გამოძიება“.

ფოტოზე: ლევან საჩიშვილი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC