ადვოკატი მანანა კობახიძე აცხადებს, რომ მოსამართლე მარინა სირაძემ ღიმილისთვის 300 ლარით დააჯარიმა, მერე აღმასრულებელმა ამ თანხის გამო ანგარიში და სახლი დაუყადაღა ისე, რომ ერთი შეტყობინებაც კი არ ჩაბარებია.
„მერე კიდევ 60 ლარიც აღსრულების ხარჯი ზედ დამიმატა. რაც ამათ დააკლეს, თი-ბი-სი ბანკმა შემისრულა, ბიუჯეტში ქონების გადასახადს ვიხდიდი და ნაღდი ფულიც კი არ მიიღეს ჩემგან, აკრძალული გვაქვსო, მოკლედ საინტერესო კვირა მაქვს, თუ ბორკილებსაც არ დამადებენ, კარგია“, - კობახიძის ეს ჩანაწერი სოციალურ ქსელ „ფეისბუქში“ გავრცელდა.
მისივე თქმით, მოსამართლემ დარბაზში გამოაცხადა „დაჯარიმდეს ღიმილისთვის, რაც წარმოადგენს სასამართლოს უპატივცემულობის გამოხატულებასო“, აი ზუსტად ასე, თუმცა რომ მიხვდა რა უაზრობაც თქვა, მერე ოქმიდან სიტყვა „ღიმილისთვის“ ამოიღო, ნუ ესენი ხომ ოსტატები არიან გაყალბების, მე რათქმაუნდა ოქმიც გავასაჩივრე, მაგრამ როგორც შენ არ განგიხილავს ჩემი საჩივარი, ისე მარინა სირაძეს“, - აღნიშნავს მანანა კობახიძე.
კახეთის საინფორმაციო ცენტრი