21 ნოემბერს დედოფლისწყაროს სასამართლოში პროცესის მიმდინარეობის დროს მითვისებაში ბრალდებულმა 20 წლის ახალგაზრდამ გონება დაკარგა. სასწრაფო სამედიცინო დახმარების ბრიგადამ უგონო მდგომარეობაში მყოფი ახალგაზრდა საავადმყოფოში გადაიყვანა.
როგორც კახეთის საინფორმაციო ცენტრს დედოფლისწყაროს სასწრაფო სამედიცინო დახმარების სამსახურის უფროსმა ხათუნა ზურიკაშვილმა განუცხადა, პაციენტს საავადმყოფოში გადაუდებელი სამედიცინო დახმარება აღმოუჩინეს.
„ის ამჟამადაც დედოფლისწყაროს საავადმყოფოშია. გონზე მოვიდა, მაგრამ სძინავს. ახალგაზრდა პატიმარია და ბადრაგი მის წაყვანას ითხოვს. ახლა თანხმდებიან, პატიმარს სად გადაიყვანენ“, - აღნიშნა ხათუნა ზურიკაშვილმა.
დედოფლისწყაროს სასამართლოში განმარტეს, რომ ბრალდებულისთვის აღკვეთის ღონისძიების შეცვლის შუამდგომლლობით სასამართლოსთვის არავის მიუმართავს. სიღნაღის რაიონულ პროკურატურაში კი კომენტარს არ აკეთებენ.
20 წლის ახალგაზრდას ბანკომატიდან სხვისი პენსიის მითვისებაში ადანაშაულებენ.
კახეთის საინფორმაციო ცენტრი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
