11:27, Sunday, 15.09.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ცხინვალში ბიბილოვის მხარდაჭერისთვის დე ფაქტო პრეზიდენტობის ექს-კანდიდატი ცემეს

24.11.2011
ცხინვალში დე ფაქტო პრეზიდენტობის ექს-კანდიდატი ვადიმ ცხოვრებოვი ცემეს. როგორც მცხეთა-მთიანეთის საინფორმაციო ცენტრს ცხინვალიდან აცნობეს, პურფუნთუშეული ქარხნის დირექტორს ფიზიკური შეურაცხყოფა გაერთიანებული ოპოზიციის ლიდერის, ძამბოლათ თედეევის მომხრეებმა მიაყენეს.

ცემის მიზეზად იმას ასახელებენ, რომ ცხოვრებოვმა საგანგებო სიტუაციების დე ფაქტო მინისტრის, ანატოლი ბიბილოვის მიმართ, რომელიც 27 ნოემბერს, დე ფაქტო პრეზიდენტობისთვის მეორე ტურში იყრის კენჭს, სიმპათიები გამოხატა.

შეგახსენებთ, რომ 13 ნოემბერს, სამხრეთ ოსეთის ტერიტორიაზე დე ფაქტო პრეზიდენტის არჩევნები ჩატარდა. არჩევნებში მონაწილეობას 11 კანდიდატი იღებდა. მათგან პირველ ადგილზე სამხრეთ ოსეთის საგანგებო სიტუაციების დე ფაქტო მინისტრი ანატოლი ბიბილოვი გავიდა, მეორეზე - განათლების დე ფაქტო ექს-მინისტრი ალა ჯიოევა, რომელიც გაერთიანებული ოპოზიციის ლიდერის, ძამბოლათ თედეევისა და სამხრეთ ოსეთის უშიშროების დე ფაქტო კომიტეტის ყოფილი მდივნის, ანატოლი ბარანკევიჩის წარდგენილი კანდიდატია. რამდენადაც ვერც ერთმა მათგანმა 50%-იანი ბარიერი ვერ გადალახა, აღნიშნულ 2 კანდიდატს შორის არჩევნების მეორე ტური 27 ნოემბერს გაიმართება.

ოფიციალური თბილისი სამხრეთ ოსეთის დე ფაქტო საპრეზიდენტო არჩევნებს არ აღიარებს, თუმცა არაოფიციალურად ქართული მხარე არჩევნებში მხარს ალა ჯიოევას უჭერს. როგორც მცხეთა-მთიანეთის საინფორმაციო ცენტრს ახალგორის მაცხოვრებლებმა განუცხადეს, დუშეთის რაიონის სოფელ ოძისში ქართულ ბლოკ საგუშაგოზე ქართველი სამართალდამცავები აგიტაციას ალა ჯიოევას უწევენ.

წეროვანში კი, სადაც ახალგორიდან დევნილები არიან ჩასახლებულები, ალა ჯიოევას სასარგებლოდ აგიტაციას მცხეთა-მთიანეთის გუბერნატორის ცეზარ ჩოჩელის ნდობით აღჭურვილი პირები ეწევიან.      

მცხეთა-მთიანეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC