03:48, Wednesday, 13.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

თბილისის მერია ქალაქში პრესის ჯიხურებთან დაკავშირებით განცხადებას ავრცელებს

25.11.2011
თბილისის მერია ქალაქში პრესის ჯიხურებთან დაკავშირებით განცხადებას ავრცელებს, რომელსაც „პირველი“ უცვლელად გთავაზობთ.

„მცირე და საშუალო ბიზნესის ხელშეწყობის მიზნით თბილისის მერიამ ახალი პროექტი დაიწყო, რომლის მიხედვით, ქალაქში არსებული ძველი და უსახური ჯიხურების ნაცვლად უახლოეს მომავალში ახალი, თანამედროვე დიზაინის ჯიხურები დაიდგმება. აქამდე დედაქალაქის მასშტაბით 250-მდე ადგილზე იყო ჯიხურის ნებართვა გაცემული, დღეს კი ქალაქის მასშტაბით 1 000 ადგილია გამოყოფილი. თბილისის მერიის მიზანი დაინტერესებული პირებისთვის თანაბარი პირობის შეთავაზებაა. ამიტომაც შეირჩა ინტერნეტ-აუქციონის ფორმა. ნებისმიერ ფიზიკურ თუ იურიდიულ პირს, ვისაც ნებართვის საფუძველზე უკვე აქვს ჯიხური, ხელშეკრულების დასრულებამდე ჯიხურის აღება არ ევალება. ნებისმიერი სახის გამონაკლისი ან შეღავათი, რის საფუძველზეც გარკვეულ პირებს ჯიხურის ჩადგმის ნებართვა ინტერნეტ-აუქციონის გარეშე მიეცემათ, გამოიწვევს იმ ადამიანების უფლებების დარღვევას, რომლებმაც აუქციონში მიიღეს მონაწილეობა და გაიმარჯვეს. იგივე მიზეზის გამო მერია ვერ დაუშვებს გამონაკლისს და უნებართვო ჯიხურებს ვერ დატოვებს ქალაქში, რადგან ამ შემთხვევაშიც ზარალდებიან ის მეწარმეები, რომლებმაც აუქციონში გაიმარჯვეს და იჯარის გადასახადს იხდიან. აუქციონში მონაწიელეებისთვის შეზღუდვები არ არსებობს. მსურველებს შეუძლიათ, პრესასთან ერთად ჯიხურში სხვადასხვა სახის პროდუქცია განათავსონ, როგორც ეს აქამდეც ჰქონდათ. ამით ისინი ჩვეულებრივ კონკურენტუნარიანები ხდებიან. როდესაც საუბარია იმაზე, რომ ეს ბიზნესი კონკურენციას ვერ გაუძლებს, ეს გაურკვეველია, რადგან პრესის ჯიხურებში აქამდეც იყიდებოდა თამბაქო, გამაგრილებელი სასმელები თუ სხვა სახის პროდუქცია. ამ პირებს ასევე შეუძლიათ, გამარჯვებულ კომპანიებთან ხელშეკრულებები გააფორმონ. დღემდე ჩატარებულია სულ ხუთი აუქციონი, რომელზეც გამოტანილი იყო 250 ლოტი, აქედან 93-ზე გამარჯვებული გამოვლინდა, 157-ზე კი კონკურენცია არ ყოფილა. აქედან გამომდინარე, უსაფუძვლოა იმ ადამიანების პრეტენზია, ვინც აცხადებს, რომ კონკურენციას ვერ უძლებენ. უკვე ჩატარებულმა აუქციონებმა აჩვენა, რომ აუქციონში მონაწილეობა მიიღეს პრესის გამავრცელებელმა კომპანიებმა. ზოგმა შეძლო გამარჯვება, ზოგმა - ვერა, თუმცა ესეც კანონზომიერია, რადგან კონკურენცია ჯანსაღი და გამჭვირვალეა. ამ საკითხის პოლიტიზირება არასწორია, რადგან საქმე ეხება ქვეყანაში ჯანსაღი კონკურენციის შექმნას, ბიზნესის განვითარებასა და სამუშაო ადგილების შექმნას. თითო ჯიხურში დაახლოებით 3-4 ადამიანი დასაქმდება, რაც მინიმუმ ათასამდე სამუშაო ადგილს შექმნის. ნებისმიერ მსურველს შესაძლებლობა აქვს, ვებ-გვერდზე iauction.გე დარეგისტრირდეს, მისთვის სასურველი ადგილი აირჩიოს, 500 ლარი ბე-ს სახით გადაიხადოს და ელექტრონულ აუქციონში ჩაერთოს. იჯარის წლიური საწყისი ფასი 1000 ლარია“, - ნათქვამია თბილისის მერიის მიერ გავრცელებულ განცხადებაში.

საინფორმაციო სააგენტო „პირველი“

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC