15:15, Tuesday, 22.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

შსს-მ აღიარა სპერაზმელების მიერ ჟურნალისტების ფიზიკური დაზიანების ფაქტები

25.11.2011
შინაგან საქმეთა სამინისტროს წარმომადგენელმა 22 ნოემბერს გამართულ სასამართლო პროცესზე აღიარა  სპერაზმელთა მიერ  ჟურნალისტების ფიზიკური დაზიანების ფაქტები, რომელიც მოხდა მიმდინარე წლის 26 მაისს, საპროტესტო აქციის დაშლის დროს.

ამასთან, შსს-მ თბილისისი საქალაქო სასამართლოში მიმდინარე პროცესზე, დაუდასტურებელი მტკიცებულებების მიზეზით, სადავოდ მიიჩნია ჟურნალისტების პრეტენზია სარჩელის იმ ნაწილში, სადაც საუბარია, რომ სამართალდამცველებმა აქციის დაშლისას ჟურნალისტებს  ვიდეო და ფოტოაპარატურა წაართვეს, რომელიც დღემდე არ დაუბრუნებიათ.

მიმდინარე წლის ივლისში საქართველოს შინაგან საქმეთა სამინისტროს წინააღმდეგ შვიდმა განმცხადებელმა შეიტანა სარჩელი. ესენი არიან: „ნეტგაზეთის“ ჟურნალისტები კონსტანტინე სტალინსკი და თაზო კუპრეიშვილი, გაზეთ „გურია ნიუსის“ ჟურნალისტი ნატო გოგელია, შპს „გაზეთი ბათუმელები“, შპს „ჩოხატაურის მაცნე“, შპს „ახალი ამბები“ და შპს „რადიოცენტრი პლიუსი“.

ჟურნალისტების დაცვას ახალგაზრდა იურისტთა ასოციაციასთან არსებული მედიის სამართლებრივი დაცვის ცენტრი უზრუნველყოფს.

დაცვის მხარის განცხადებით, აქციის დაშლის დროს  ჟურნალისტებს წაართვეს კამერები, ზოგი სცემეს, ერთ-ერთი მომჩივანი დაკავებულიც კი ჰყავდათ.

ჟურნალისტები  საქართველოს შს სამინისტროსგან  მოითხოვენ ჯანმრთელობის ზიანის, ასევე ტექნიკის დაკარგვით მიღებული ზარალის (5 500 ლარი) ანაზღაურებას. 
22 ნოემბერს გამართულ სასამართლო სხდომაზე სულ 7 მოწმე დაიკითხა, რომლებმაც დეტალურად გაიხსენეს 26 მაისს როგორც საკუთარი თავის, ისე კოლეგების ცემის, ასევე კამერების წართმევის შემთხვევები. გარდა ამისა, დაცვის მხარემ მტკიცებულებად წარმოადგინა დაკარგული კამერების შეძენის ანგარიშფაქტურები და საავადმყოფოების მიერ გაცემული ჯანმრთელობის ცნობები, სადაც დაფიქსირებული იყო ჟურნალისტთა  ჯანმრთელობის დაზიანების ფაქტები.

სასამართლო პროცესის შემდეგი სხდომა 2011 წლის 12 დეკემბერს, 11:00 საათზე, დაინიშნა.

მედია.გე

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC