კახი კალაძე „ქართული ოცნების“ მაისურით

ფეხბურთელი კახა კალაძე „ჯენუასა“ და „მილანს“ შორის მატჩამდე გამართულ პრესკონფერენციაზე „ქართული ოცნების“ მაისურით მივიდა.

როგორც „ჯენუას“ ოფიციალური ვებ-გვერდი იუწყება, პრესკონფერენციაზე კალაძემ საქართველოში მიმდინარე პოლიტიკურ პროცესებზეც ისაუბრა. აღნიშნული კლუბის ინტერნეტგვერი კალაძის განცხადების ვიდეომასალასაც ავრცელებს.

„ჩემს ხალხს სურს, რომ დემოკრატიულ და თავისუფალ ქვეყანაში იცხოვროს. საქართველოში ამის ნაკლებობაა. იმაზე, რაც ჩემს ქვეყანაში ხდება, ხშირად ვფიქრობ. ადამიანებს ნორმალურ, ევროპის მსგავს ქვეყანაში სურთ ცხოვრება. ჩემთვის ძალიან მტკივნეულია, რომ საქართველოში დიქტატურაა. იმედი მაქვს, მოკლე ხანში ყველაფერი სასიკეთოდ შეიცვლება“, – აღნიშნა კალაძემ.