20:36, Thursday, 19.09.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

კოალიცია „არჩევნის თავისუფლებისთვის“ საზოგადოებრივ მაუწყებელს თემატური დებატების დაწყებას სთავაზობს

06.12.2011
 „არჩევნის თავისუფლებისთვის“ საზოგადოებრივ მაუწყებელს მომავალი წლიდან თემატური დებატების დაწყებას სთავაზობს. 5 დეკემბერს გამართულ შეხვედრაზე საზმაუწყებლის გენერალურ დირექტორს, გიორგი ჭანტურიას კოალიციის წევრებმა შესთავაზეს, 2012 წლის გაზაფხულიდან მაუწყებელმა მნიშვნელოვანი დრო დაუთმოს თემატურ დებატებს არჩევნებში მონაწილე პოლიტიკურ პარტიებს შორის, რაც საზოგადოებას საშუალებას მისცემს, მიიღოს სრული ინფორმაცია თითოეული პოლიტიკური სუბიექტისა და მისი გეგმების შესახებ.

„აღნიშნული დებატები უნდა დაიწყოს თებერვალ-მარტიდან, ანუ არჩევნებამდე რამდენიმე თვით ადრე და ეთერში ყოველკვირეულად გავიდეს. ეს არ უნდა იყოს დებატები ყველაფერზე. ეს უნდა იყოს დებატები კონკრეტულ თემებსა და საკითხებზე, სადაც პოლიტიკური პარტიების წარმომადგენლები საკუთარ პოზიციებს დაიცავენ,“ - განაცხადა შეხვედრის შემდეგ კოალიციის წევრმა, მედიაექსპერტმა ზვიად ქორიძემ.

მისი თქმით, სატელევიზიო სივრცეში თემატური დებატების სერიოზული დეფიციტია. სასიამოვნო გამონაკლისი იყო 2010 წლის ადგილობრივი თვითმმართველობის არჩევნების დროს მერობის კანდიდატთა შორის გამართული დებატები, რომელიც სწორედ საზოგადოებრივი მაუწყებლის პირველ არხზე მიმდინარეობდა. ეს იყო კარგი პრეცენდენტი და სწორედ ამან მოგვცა სტიმული, მიგვემართა მაუწყებლისთვის, არჩევნებამდე 5-6 თვით ადრე განაახლოს ასეთი დებატები.

შეხვედრაზე საზოგადოებრივი მაუწყებლის გენერალური დირექტორისგან გამოითქვა მზადყოფნა, რომ აღნიშნულ თემაზე დაიწყოს თანამშრომლობა საზოგადოებრივ ორგანიზაციებთან და უცხოელ კოლეგებთან, რომლებსაც დებატების ხანგრძლივი გამოცდილება აქვთ.

თავის მხრივ, კოალიცია „არჩევნის თავისუფლებისთვის“ საზოგადოებრივი მაუწყებელზე თემატური დებატების დაწყების ინიციატივასთან დაკავშირებით შეხვედრებს გამართავს როგორც საერთაშორისო ორგანიზაციებთან, ისე პოლიტიკურ პარტიებთან, რათა აღნიშნულ იდეას სამოქალაქო, პოლიტიკური და საერთაშორისო სექტორის მხრიდან სრული მხარდაჭერა ჰქონდეს.

ბლოგი: „მე ვირჩევ“

ორიგინალი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC