სოხუმის რეჟიმის ხელმძღვანელი ალექსანდრე ანქვაბი სოჭის ოლიმპიადისთვის სამშენებლო მასალების გაცემას არ აპირებს, - ამის შესახებ რუსული მედია იუწყება.
აფხაზეთის თვითგამოცხადებული რესპუბლიკა სოჭის ოლიმპიადის ობიექტების მშენებლობებისთვის ინერტულ მასალებს მხოლოდ შეზღუდული რაოდენობით გასცემს. სეპარატისტული რესპუბლიკის პრეზიდენტის, ალექსანდრე ანქვაბის განცხადებით, მაქსიმუმ, რისი იმედიც მოსკოვს უნდა ჰქონდეს, 2 მლნ კუბამეტრი ინერტული მასალაა.
მისი თქმით, მასალების მოპოვება აფხაზეთის ეკოლოგიისთვის უსაფრთხო გზით, მხოლოდ მდინარე კოდორიდან შეიძლება.
„დაანარჩენი მდინარეების ამ მიზნით გამოყენებას ეკოლოგები ეწინააღმდეგებიან. ვერ დავუშვებთ, რომ მდინარეები ფსოუ, ბზიფი და გუმისთა საწარმო ობიექტები გახდნენ“, - განაცხადა ანქვებმა და დასძინა, რომ აფხაზეთის ხელისუფლება სამშენებლო მასალის ტრანსპორტირებაზეც შეზღუდვებს დააწესებს.
„მასალების ტრანსპორტირებას საავტომობილო გზებით ვერ დავუშვებთ, რადგან გზის საფარი დაზიანდება. შეუძლიათ ტვირთი ზღვით და რკინიგზის საშუალებით გადაზიდონ“, - განაცხადა ანქვაბმა.
ინტერპრესნიუსი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
