გაზეთ „ბათუმელების“ ცნობით, ჟურნალისტ თედო ჯორბენაძის საქმის გამომძიებელი გელა მახარაძე დაკავებულია. მას ბრალად ედება თაღლითობით სხვისი ქონების მითვისება.
„ბათუმელების“ მიერ გავრცელებული ინფორმაციით, 2009 წლის 25 ნოემბერს ბათუმში, შინაგან საქმეთა სამინისტროს შენობაში, თედო ჯორბენაძეს უცნობი პირი შანტაჟის გზით, აიძულებდა სპეცსამსახურებთან ეთანამშრომლა.სწორედ მახარაძეს ევალებოდა ამ პირის დადგენა, რომელსაც 2011 წლის 20 ნოემბერს თავად „ბათუმელებმა“ მიაკვლია. ის დავით დევნოზაშვილი აღმოჩნდა.
„გამოცემამ დევნოზაშვილის პოვნის ამბავი პირველად სწორედ გელა მახარაძეს აცნობა და დაუყოვნებელი რეაგირება სთხოვა, რასაც გამომძიებელს კანონიც ავალდებულებდა. ამ შეტყობინებაზე გელა მახარაძეს შემდეგი რეაქცია ჰქონდა - „ხვალ წერილობით მომმართეთ“, - ნათქვამია „ბათუმელების“ ცნობაში.
ბრალის დამტკიცების შემთხვევაში ყოფილ გამომძიებელს 9 წლამდე თავისუფლების აღკვეთა ემუქრება.
media.ge
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
