28 დეკემბერს დმანისის რაიონის სოფელ ამამლოდან ჩამოსული ხამბათ სეიდოვი პარლამენტის შენობის შესასვლელში იატაკზე დაჯდა და ვაჟის გათავისუფლების მოთხოვნით პარლამენტის თავმჯდომარესთან, დავით ბაქრაძესთან შეხვედრა მოითხოვა.
როგორც მან ჟურნალისტებს განუცხადა, მისი შვილი გალიბ სეიდოვი, რომელიც ავტომანქანების შემკეთებელი იყო, უკრაინაში უკანონოდ დააკავეს და 27 წლით თავისუფლების აღკვეთა მიუსაჯეს.
როგორც ხამბათ სეიდოვის საუბრიდან ირკვევა, გალიბ სეიდოვს ბრალს თაღლითობაში სდებენ. თუმცა, თავად ირწმუნება, რომ ის უკანონოდ ისჯება.
„მხოლოდ პარლამენტის თავმჯდომარის იმედი მაქვს, რომ შვილის გათავისუფლებაში დამეხმარება“, – განაცხადა ხამბათ სეიდოვმა.
პარლამენტის საზოგადოებასთან ურთიერთობისა და ინფორმაციის დეპარტამენტის უფროსის მაკა გიგაურის თქმით, დავით ბაქრაძის დავალებით ხამბათ სეიდოვს მოქალაქეებთან ურთიერთობის საკითხებში მისი თანაშემწე მზია ლალიაშვილი პირადად შეხვდება და გაესაუბრება.
„არსებობს კანონით გათვალისწინებული პროცედურები და ის ყველა მოქალაქემ უნდა დაიცვას. თუ მას პარლამენტის თავმჯდომარის თანადგომა სურს, სპიკერს წერილობით უნდა მიმართოს და არა აქციის ფორმით. მას ამ ყველაფერს პარლამენტის თავმჯდომარის თანაშემწე პირადად განუმარტავს“, - აღნიშნა გიგაურმა.
საინფორმაციო სააგენტო „პირველი“
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
