22:48, Tuesday, 12.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ივანიშვილის საავადმყოფოდან მუშები გამოყარეს

28.12.2011
ბიძინა ივანიშვილის პრესსამდივნომ რამდენიმე წუთის წინ განცხადება გაავრცელა, სადაც წერია, რომ ხარაგაულის გამგეობის თანამშრომლებმა „ქართუ ჯგუფში“ შემავალი ასოციაციია „ატუს“ თანამშრომლებს ხარაგაულის რაიონის სოფელ ბორითში ახლადაშენებული სამედიცინო ცენტრის ტერიტორია დაატოვებინეს და მუშაობის გაგრძელების საშუალებას არ აძლევენ.

პრესსამდივნოს ცნობით, სამედიცინო ცენტრის მშენებლობა დასრულებულია და რამდენიმე დღეში უნდა გაიხსნას. მომხდარი ფაქტი „ნეტგაზეთს“ დაუდასტურა ობიექტზე მომუშავე ერთ-ერთმა ადამიანმა, რომელმაც ვინაობის საჯაროდ დასახელება არ ისურვა.

ამ წუთებში დაკავშირება ვერ ხერხდება ხარაგაულის რაიონის გამგებელთან, თორნიკე ავალიშვილთან. მისი მოადგილე ლაშა ნიქაცაძე კი აცხადებს, რომ მომხდართან დაკავშირებით საქმის კურსში არ არის.

ბორითში მომხდარ ინცდინდენტზე ინფორმაცია არა აქვს იმერეთის ვიცე-გუბერნატორს გიგა შუშანიას. მისი თქმით, მან არ იცის, რა მოტივით და რატომ უნდა შესულიყვნენ ხარაგაულის გამგეობის თანამშრომლები ახლადაშენებულ საავადმყოფოში და რატომ უნდა გამოეყარათ იქიდან მუშები.

ბორითის რწმუნებულმა ჯონი ხაჩიძემ „ნეტგაზეთს“ განუცხადა, რომ მან არაფერი იცის იმის შესახებ, თუ რა მოხდა ახლადაშენებულ კლინიკაში და ინფორმაციის გადამოწმება ხარაგაულის გამგეობაში გვირჩია.

გაზეთ „ჩემი ხარაგაულის“ ინფორმაციით, 2010 წლის აგვისტოში დაიწყო და მიმდინარე წლის დეკემბერში დასრულდება ბორითის გადაუდებელი სასწრაფო სამედიცინო დახმარების კლინიკის მშენებლობა. პროექტის სავარაუდო ღირებულებაა 2 300 000 ლარი. ამ თანხაში შედის მშენებლობაც და სამედიცინო აპარატურით აღჭურვაც. კლინიკას საერთაშორისო საქველმოქმედო ფონდ „ქართუს“ (დირექტორი ირაკლი ღარიბაშვილი) მიერ გამოყოფილი გრანტით აშენებს „ასოციაცია ატუ“.

როგორც ასოციაციის დირექტორმა, კარლო ლეკვეიშვილმა „ჩემს ხარაგაულს” განუცხადა, კლინიკა ფუნქციონირებას 2012 წლის იანვრიდან დაიწყებს. „ასოციაცია ატუმ“ ბორითში გადაუდებელი სასწრაფო სამედიცინო დახმარების კლინიკის აგებამდე, ორი წლის წინ, ანალოგიური ტიპის კლინიკა ააგო ურეკში.

„ნეტგაზეთი“ ადგილზე ცდილობს მომხდარის შესახებ დეტალური ინფორმაციის მიღებას.

ნეტგაზეთი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC