12:33, Friday, 03.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

პოლიტიკური მიზნით რაიმე ქონების, ფულის თუ დაპირების მიღებისთვის ამომრჩეველს სამწლიანი პატიმრობა დაემუქრება

30.12.2011
პოლიტიკური მიზნით რაიმე ქონების, ფულის თუ დაპირების მიღებისთვის ამომრჩეველს სამწლიანი პატიმრობა დაემუქრება.

პარლამენტის მიერ გუშინ დამტკიცებული “სისხლის სამართლის კოდექსში" ცვლილებას პრეზიდენტმა ხელი მოაწერა და “საკანონმდებლო მაცნეს” ოფიციალურ ვებგვერდზე გამოქვეყნდა. კანონში ცვლილებები ძალაში 15 დღეში შევა.

ახალი რეგულაციით, სამ წლამდე თავისუფლების აღკვეთით ან ჯარიმით ისჯება ამომრჩევლის მოსყიდვა, თუმცა ეს რეგულაცია, არა მხოლოდ ამომრჩევლის “მომსყიდველებს”, არამედ “მოსყიდულებსაც” ეხებათ.

კერძოდ, ახალი რეგულაციით, ამომრჩევლის მოსყიდვა ნიშნავს პოლიტიკური მიზნით, პირდაპირ ან არაპირდაპირ ფულის, ფასიანი ქაღალდის (მათ შორის, ფინანსური ინსტრუმენტის), სხვა ქონების, ქონებრივი უფლების, მომსახურების ან სხვა რაიმე უპირატესობის შეთავაზება, დაპირება, გადაცემა ან გაწევა, ან წინასწარი შეცნობით ასეთის მოთხოვნა ან მიღება, ან/და კანონით დადგენილი შეზღუდვებისთვის თავის არიდების მიზნით მოჩვენებითი, თვალთმაქცური ან სხვა გარიგების დადება.

აღნიშნული ქმედებისთვის იურიდიული პირი (გარდა პარტიისა, რომელსაც არ ეკისრება სისხლისსამართლებრივი პასუხისმგებლობა) ისჯება ლიკვიდაციით ან საქმიანობის უფლების ჩამორთმევით ან/და ჯარიმით.

ამ საკითხის განხილვა არასამთავრობო სექტორის მკაცრი კრიტიკის პირობებში მიმდინარეობდა. მათთვის გაუგებარია, როგორ უნდა მოხდეს რეგულაცია, ვინ უნდა განსაზღვროს "პოლიტიკური მიზანი" და ის, იყო თუ არა ქონების და/ან დაპირების მიღება ამომრჩევლის მიერ "პოლიტიკური მიზნით და "წინასწარი შეცნობით".

კანონში განმარტებულია, რომ ამომრჩევლის მოსყიდვად არ ჩაითვლება, თუ მას მოქალაქეთა პოლიტიკური გაერთიანების კამპანიის მცირე ღირებულების მქონე აქსესუარებს − მაისურებს, კეპებს, ქუდებს, დროშებს და სხვა მსგავს ნივთებს გადასცემენ.

ასევე, პირს სისხლისსამართლებრივი პასუხისმგებლობა არ დაეკისრება პოლიტიკური და საარჩევნო დაპირებისთვის, რომელიც უკავშირდება საბიუჯეტო სახსრების სამომავლო განაწილებას და სახელმწიფო პოლიტიკის სამომავლო განხორციელებას.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ახალი კორონავირუსის გავრცელების გამო დაკარგეთ თუ არა სამსახური?
დიახ არა

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC