ბოლო რამდენიმე წლის განმავლობაში საქართველოში სუიციდის შემთხვევები გახშირდა. სტატისტიკური მონაცემებით, 2008, 2009 და 2010 წლებში თვითმკვლელობის 368 შემთხვევა დაფიქსირდა. ყველაზე მეტი - სუიციდის 188 შემთხვევა 2009 წელს აღირიცხა.
„2008 წელს სუიციდის 67 შემთხვევა დაფიქსირდა, 2009 წელს - 188, 2010 წელს - 113. რაც შეეხება 2011 წლის მონაცემებს, ის ჯერ კიდევ დამუშავების პროცესშია და 2012 წლის ივნისში გამოქვეყნდება. ინფორმაცია სამედიცინო დაწესებულებებიდან და სამოქალაქო რეესტრის სააგენტოდან მიღებულ მონაცემებს ეფუძნება“, - განუცხადა კახეთის საინფორმაციო ცენტრს საქართველოს სტატისტიკის ეროვნული სამსახურის აღმასრულებელი დირექტორის მოადგილემ თენგიზ ცეკვავამ.
კახეთის საინფორმაციო ცენტრი