03:15, Saturday, 07.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ჟან-კლოდ მინიონი: „აფხაზეთთან და სამხრეთ ოსეთთან დაკავშირებით მდგომარეობა აუტანელია“

26.01.2012
აფხაზეთთან და სამხრეთ ოსეთთან დაკავშირებით მდგომარეობა აუტანელია, - ამის შესახებ რუსულ გამოცემა „ნეზავისიმაია გაზეტას“ ევროსაბჭოს საპარლამენტო ასამბლეის ახალარჩეულმა თავმჯდომარემ, ჟან-კლოდ მინიონმა განუცხადა. მინიონმა აღნიშნა, რომ თავის დროზე მან ხმა მისცა ევროსაბჭოში რუსეთის მიღებას.

„მაგრამ წევრობა მხოლოდ საკმარისი არ არის, აღებული ვალდებულებები უნდა შეასრულო. რუსეთს უამრავი პრობლემა აქვს. მაგალითად, პრობლემა საქართველოსთან. ხომ იყო შეთანხმებები, რომლებსაც ხელი მედვედევმა და სარკოზიმ მოაწერეს და ეს შეთანხმებები უნდა დაიცვან. სამწუხაროდ, ასამბლეის ხელმძღვანელის ორწლიანი მანდატი ცოტაა ყველა ამ საკითხის მოსაგვარებლად. მოგვიწევს მათ შორის ყველაზე მნიშვნელოვანის ამორჩევა, მაგრამ ამ შემთხვევაშიც კი ევროკავშირის დახმარების გარეშე მათი მოგვარება შეუძლებელი იქნება. მე ცოტა ხნის წინ საქართველოში ვიყავი და უნდა ვაღიარო, რომ აფხაზეთთან და სამხრეთ ოსეთთან დაკავშირებით სიტუაცია აუტანელია“, - განაცხადა ასამბლეის თავმჯდომარემ.

მისივე თქმით, ამ რეგიონებში ქართული ტერიტორიიდან ვერ შეაღწია და მხოლოდ ე.წ. სამხრეთ ოსეთის სადემარკაციო ხაზთან იმყოფებოდა.

„არ არის გასაკვირი, რომ ბევრი სიტუაციიდან გამოსავალს ვერ ხედავს, როცა ქვეყანა სავსეა დევნილებით, რომელთა სახლებიც დანგრეულია, ვფიქრობ, რუსეთმა – ასეთმა დიდმა და გავლენიანმა ქვეყანამ, პრობლემის რაც შეიძლება მალე მოგვარებისთვის უნდა იმოქმედოს“, - განაცხადა მინიონმა და განმარტა, რომ რუსეთ-საქართველოს საკითხზე ამჟამად ასამბლეის მონიტორინგის კომიტეტი მუშაობს.

თავმჯდომარის აზრით, ამ ეტაპზე შეუძლებელია მონიტორინგის შეწყვეტა, რაც რუსულმა მხარემ არაერთხელ მოითხოვა.

„როცა არის საქართველოს პრობლემა, ასევე სიტყვის თავისუფლების, საარჩევნო კამპანიის სისუფთავის პრობლემები, მხოლოდ მონიტორინგის საშუალებით შევიტყობთ, რა ხდება რეალურად რუსეთში. ჩემი აზრით, მონიტორინგში რუსეთი ჩვენზე მეტად უნდა იყოს დაინტერესებული“, - განაცხადა მინიონმა.

ჟან-კლოდ მინიონი ევროსაბჭოში საფრანგეთის დელეგაციის ხელმძღვანელის რანგში საქართველოში 2011 წლის ოქტომბერში იმყოფებოდა.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC