01:15, Tuesday, 10.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

„სოლიდარობა მედიის თავისუფლებისთვის“ მემორანდუმზე ხელმოწერის ვადა ამოიწურა

01.02.2012
მედიაგაერთიანების „სოლიდარობა მედიის თავისუფლებისთვის“ მიერ შემუშავებულ მემორანდუმზე ხელმოწერის ვადა ამოიწურა.

ახალ მედიაგაერთიანებაში ამ დროისთვის 31 მედიასაშუალება გაერთიანდა: „ალია ჰოლდინგი“, გაზეთი „რეზონანსი“, რადიო „ობიექტივი“, „მედიაპალიტრა“, რადიოკომპანია „საქართველოს ხმა“, ტელეკომპანია „საქართველოს ხმა“, გაზეთი „ვერსია“, ინტერნეტგამოცემა Presage.tv, ჟურნალი „ღია ბოქლომი“, გაზეთი „ბანკები და ფინანსები“, სააგენტო „მესენჯერი“, რადიო „მაესტრო“, ტელეკომპანია „მაესტრო“, მედიაკორპორაცია „ასავალ-დასავალი“, გაზეთი „ბორჯომი“, ჟურნალი „ქვაკუთხედი“, გაზეთი „საქართველოს რესპუბლიკა“, „გლობალ კონტაქტ კონსალტინგი“ – „გლობალ TV“, გაზეთი „საქართველო და მსოფლიო“, საინფორმაციო სააგენტო „ივერიონი“, ჟურნალი „ბიზნესი და კანონმდებლობა“, გაზეთი „დღეს და ხვალ“, სააგენტო „თბილისი“, სტუდია GNS, ტელერადიოკომპანია „თრიალეთი“, საინფორმაციო სააგენტო „პირველი“, „იგრიკა – მე-9 არხი“, გაზეთი „რუსთავის ამბები“, გაზეთი „ლანჩხუთი +“, „გურიანიუსი“, გაზეთი „ქართული სიტყვა“.

როგორც მედიაგაერთიანების ერთ-ერთმა დამფუძნებელმა, მამუკა ღლონტმა განაცხადა, მედიაგაერთიანებაში გაწევრიანების მსურველ მედიასაშუალებებს მომავალშიც ელოდებიან, თუმცა ამიერიდან მედიაგაერთიანებაში გაწევრიანება მხოლოდ ყველა წევრის თანხმობისა და სრული კონსესუსის შემთხვევაში იქნება შესაძლებელი.

"მედიაგაერთიანების მთავარი ამოცანაა, უკანონობის წინააღმდეგ ბრძოლა, ერთმანეთის დაცვა და ერთად დგომა იქ, სადაც მედიას უჭირს. მედიაგაერთიანებაში უკვე გაერთიანდა 30-ზე მეტი მედიასაშუალება. კიდევ ვიცით რამდენიმე, ვისაც გაერთიანების სურვილი აქვს, მაგრამ ტექნიკური მიზეზების გამო, დღეს ისინი ვერ მოვიდნენ და რამდენიმე დღეში შემოგვიერთდებიან", - აღნიშნა მამუკა ღლონტმა.

მედიაგაერთიანების მემორანდუმის თანახმად, მასზე ხელმომწერი ორგანიზაციები თანხმდებიან, რომ მედიაგაერთიანების ერთ-ერთ წევრ მედიასაშუალებაზე თავდასხმა აღქმული იქნება ყველაზე თავდასხმად, რის შემდეგაც მედიაგაერთიანება ერთობლივად იმოქმედებს და დაგეგმავს სხვადასხვა ღონისძიებებს. მათ შორის იქნება საპროტესტო აქციები, საერთაშორისო ორგანიზაციებისა თუ დიპლომატიური კორპუსისთვის სპეციალური მიმართვების გაგზავნა.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC