10:43, Saturday, 07.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

„ქართული ოცნების“ ადვოკატთა ჯგუფს სასამართლოში 15-მდე სარჩელი აქვს შეტანილი

23.02.2012
ბიზნესმენ ბიძინა ივანიშვილისა და „ქართული ოცნების“ ადვოკატთა ჯგუფს დღეის მდგომარეობით სასამართლოში 15-მდე სარჩელი აქვს შეტანილი.

ამის შესახებ „პირველს“ „ქართული ოცნება - დემოკრატიული საქართველოს“ საინიციატივო ჯგუფის ერთ-ერთმა წევრმა, ადვოკატმა ზაქარია ქუცნაშვილმა განუცხადა.

„აქედან 3 სარჩელი მოქალაქეობის ამბავს უკავშირდება. ერთი სარჩელით ჩვენ ბიძინა ივანიშვილისთვის მოქალაქეობის ჩამორთმევასთან დაკავშირებით საქალაქო სასამართლოს გადაწყვეტილება სააპელაციო წესით გავასაჩივრეთ. მეორე - ნატურალიზაციის გზით ბიძინა ივანიშვილისთვის მოქალაქეობის მიცემასთან დაკავშირებით სამოქალაქო რეესტრის სააგენტოს უნდა დასკვნა მოეცა და ამაზე ადმინისტრაციული საჩივარი გვაქვს შეტანილი, ხოლო მესამე სარჩელი 16 თებერვალს აღვძარით, რომლითაც ივანიშვილის მეუღლე ეკა ხვედელიძისთვის მოქალაქეობის ჩამორთმევის გამო მიყენებული არაქონებრივი ზიანის ანაზღაურებას მოვითხოვთ. ამასთან, საზოგადოებრივ მოძრაობა "ქართულ ოცნებასთან" მიმართებაში აღძრული გვაქვს ადმინისტრაციული სარჩელი, რომლითაც ჩვენ კონტროლის პალატის ფინანსური სამსახურის მიერ „ქართული ოცნების“ მონიტორინგის ობიექტად გამოცხადებას ვაპროტესტებთ. რაც შეეხება, „ქართული ოცნების“ ცენტრალურ ოფისს, მასთან დაკავშირებით სასამართლოში 8-მდე სარჩელია შეტანილი. ამ მიმართულებას არჩილ კბილაშვილი და ეკა ბესელია წარმართავენ“, - განაცხადა  ქუცნაშვილმა.

მისივე თქმით, დღეის მდგომარეობით ადვოკატთა ჯგუფმა წარმატებას 3 საქმეში უკვე მიაღწია.

„ეკატერინე ხვედელიძისთვის საქართველოს მოქალაქეობა აღვადგენინეთ, „ქართუ ბანკისთვის“ ფული დავაბრუნებინეთ, გვინდოდა ტელევიზიის ლიცენზიის რეგისტრაცია და მოვახდინეთ. პრობლემური საქმეებიდან ბიძინა ივანიშვილის მოქალაქეობის აღდგენა, შეჭრილი პირებისგან „ქართული ოცნების“ ცენტრალური ოფისის გათავისუფლება - ექსპლუატაციაში მიღებისა და „ქართული ოცნების“ მონიტორინგის სუბიეტად გამოცხადების საკითხი დაგვრჩა. მინდა, გითხრათ, რომ როგორც წინა 3 საქმეში, აქაც სამართლებრივი თვალსაზრისით ჩვენ წარმატებას მივაღწევთ. სამოქალაქო რეესტრი დასკვნას იმიტომ ვერ იძლევა, რომ მიზეზი არ აქვს, რომელიც შეიძლება, ამ დასკვნაში ჩაიწეროს და სამართალთან შესაბამისობაში იყოს. ბიძინა ივანიშვილი არც ტერორისტია, არც საერთაშორისოდ ძებნილია, აქედან გამომდინარე, მას მოქალაქეობა უნდა მისცენ“, -  განაცხადა ქუცნაშვილმა.

საინფორმაციო სააგენტო „პირველი“

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC