01:08, Saturday, 08.08.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ოქროსა და სპილენძის მოპოვებაზე ლიცენზია სამი კვირის წინ დარეგისტრირებულმა კომპანიამ მიიღო

02.03.2012
ბუნებრივი რესურსების სააგენტომ ქვემო ქართლის რეგიონში ოქროს, სპილენძის და ბარიტის მოპოვების ლიცენზია 29 თებერვალს 110.5 მილიონ ლარად გაყიდა. ამის შესახებ ენერგეტიკის და ბუნებრივი რესურსების სამინისტროსთან არსებული სააგენტო იტყობინება.

27–წლიანი ლიცენზია კომპანია Mining Investments LLC –მა მოიპოვა, რომელიც აუქციონის ერთადერთი მონაწილე იყო.

კომპანია საქართველოში 2012 წლის 13 თებერვალს დარეგისტრირდა – დაახლოებით ერთ თვეში მას შემდეგ, რაც ბუნებრივი რესურსების სააგენტომ 19 იანვარს წიაღისეულის მოპოვების ლიცენზია აუქციონზე გაიტანა.

Mining Investments LLC –ის 100%-იანი წილის მფლობელი ალვიდას ბრუსოკასია - ლიტვის მოქალაქე, რომელიც სანკტ–პეტერბურგში ცხოვრობს.

ლიცენზია ბოლნისის და დმანისის რაიონებში ოქროს, ბარიტის და სპილენძის საბადოებს მოიცავს 1 200 ჰექტარზე მეტ ფართოფს.

ამჟამად საბადოებზე სასარგებლო წიაღისეულით სარგებლობის უფლებას კომპანია „მადნეული“ ფლობს, რომელიც GeoProMining Group–ის შვილობილი კომპანიაა; ეს უკანასკნელი მანამდე რუსული „პრომიშლენნიე ინვესტორი“–ს შემადგენლობაში შედიოდა. GeoProMining Group–ის აქციონერი რუსი მეწარმე სიმონ პოვარენკინია. ეს კომპანია ოქროსა და სპილენძის მოპოვების ბიზნესს სომხეთსა და რუსეთშიც ახორციელებს.

„მადნეულის“ ლიცენზია 2014 წლის აპრილში იწურება და ახალი ლიცენზიის მფლობელი  – Mining Investments LLC–ი მას ამ პერიოდიდან ჩაანაცვლებს. თუმცა, ამჟამინდელი მფლობელი ლიცენზიაზე უარს ვადის ამოწურვის დღემდე თუ იტყვის, ახალ მფლობელს შესაძლებლობა ექნება, ერთი თვის ვადაში ჩაანაცვლოს ის.

Mining Investments LLC –მა 110.5 მილიონი ლარი არაუგვიანეს 2012 წლის 1 ივნისისა უნდა გადაიხადოს.

2011 წლის ოქტომბერში ბუნებრივი რესურსების სააგენტომ ბოლნისის, მარნეულის, დმანისის, წალკის და თეთრიწყაროს მუნიციპალიტეტებში სასარგებლო წიაღისეულის, მათ შორის ფერადი, კეთილშობილი, იშვიათი მეტალების და ბარიტის შესწავლა–მოპოვების ლიცენზია აუქციონზე 93.5 მილიონ ლარად გაყიდა. ლიცენზია კომპანია „კავკასიის სამთო ჯგუფმა“ შეიძინა, რომელიც კვიპროსში დარეგისტრირებული Pamtilon Holdings Limited–ის შვილობილი კომპანიაა.

„საქსტატის“ ინფორმაციით, გასულ წელს საქართველომ 109.8 მილიონი აშშ დოლარის ღირებულების დაუმუშავებელი ან ნახევრად დამუშავებული ოქრო გაიტანა ექსპორტზე, რაც ქვეყნის მთლიანი ექსპორტის 5%–ს შეადგენს; სპილენძის მადნების და კონცენტრატების ექსპორტის ღირებულებამ 85.1 მილიონი აშშ დოლარი შეადგინა, რაც მთლიანი ექსპორტის 3.9%–ია.

სივილ ჯორჯია, ორიგინალი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

მორიგების მორიგი შეთავაზება
საზოგადოება ინფორმირებულია, რომ 2017 წლის დეკემბრიდან ქალაქ თბილისის მერიისა და წყლის გამანაწილებელი კომპანიის - GWP-ს წინააღმდეგ სასამართლოში შეტანილი მაქვს სარჩელი, რომლითაც მოვითხოვ თბილისის
ვრცლად...
ძალადობის მსხვერპლი ქალები
ცხოვრება ეჭვისა და უნდობლობის სამყაროში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC