07:05, Monday, 14.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

პატიმრებისთვის პრესის შეგზავნა აიკრძალა

02.03.2012
საქართველოს სასჯელაღსრულების დაწესებულებებში მსჯავრდებულებისთვის ამანათით პრესის შეტანა ბოლო რამდენიმე თვეა არაოფიციალურად აიკრძალა. ინფორმაცია „ნეტგაზეთს“ სახალხო დამცველის პრევენციისა და მონიტორინგის სამსახურის ხელმძღვანელმა, ნათია იმნაძემ დაუდასტურა.

„ჩვენ როგორც ვიცით, პრესის შეტანა ამანათით ყველგან აკრძალულია. სასჯელაღსრულების დაწესებულებებში არსებულ მაღაზიებში უმრავლესობა გაზეთებისა არ იყიდება, გარდა გაზეთ „კვირის პალიტრისა“ და სპორტული გაზეთისა. ზოგიერთ შემთხვევაში ამბობენ, რომ ფოსტით შეიძლება შეგზავნა, მაგრამ კონკრეტული მაგალითები, რომ ვინმეს მიეღოს ფოსტით გაზეთები, ჩვენ არ გვაქვს, ამიტომ ვერ ვიტყვით, რომ გაზეთის შეგზავნა ფოსტით მაინც შეიძლება“,  - უთხრა ნათია იმნაძემ „ნეტგაზეთს“.

მისივე თქმით, პრესის არაოფიციალური აკრძალვა ბოლო თვეების მანძილზე დაიწყო. სახალხო დამცველის პრევენციისა და მონიტორინგის სამსახურის უფროსი ამბობს, რომ ზოგიერთ დაწესებულებაში პრესის შეგზავნა ადრეც იყო შეზღუდული, თუმცა, აკრძალვა არ იყო.  ახლა კი აკრძალვა მოქმედებს, ოღონდ, არაოფიციალურად, რადგან, დასაშვებ და აკრძალულ ნივთებს შორის, რაც დადგენილია შესაბამისი ბრძანებით, პრესა არ ფიგურირებს.

„კანონი ითვალისწინებს პრესის ხელმისაწვდომობას და შესაბამისად, ეს არაკანონიერია“, - უთხრა „ნეტგაზეთს“ ნათია იმნაძემ. მისი თქმით, აღნიშნული პრობლემა ომბუდსმენის 2011 წლის ანგარიშშიც მოხვდა გასულ წელს, თუმცა, მაშინ მხოლოდ ცალკეულ, ერთეულ შემთხვევებზე იყო საუბარი.

„ახლა უკვე იმდენი მსჯავრდებული ადასტურებს ამას და ჩვენი თვალითაც ვნახეთ, რომ გაზეთების უმრავლესობა არ შედის ციხეებში. შესაბამისად, გაკეთდება რეკომენდაცია. ჩვენ ვამზდებთ ანგარიშშს და იქ აისახება ეს ყველაფერი“, - ამბობს ნათია იმნაძე.

„ნეტგაზეთი“ შეეცადა დაკავშირებოდა საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს, თუმცა, უწყების პრესსამსახურის ხელმძღვანელმა თეა სუხიშვილმა ჩვენს სატელეფონო ზარებს არ უპასუხა.

თაზო კუპრეიშვილი, ნეტგაზეთი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC