21:00, Saturday, 07.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მანანა ნაჭყებია: „განათლების სამინისტრომ პასუხი უნდა აგოს“

09.03.2012
„განათლების და მეცნიერების სამინისტრომ, რეგიონებში პრეზიდენტის ვიზიტის დროს, საჯარო სკოლებში სასწავლო პროცესის ჩაშლაზე პასუხი უნდა აგოს“, - განაცხადა „ახალი მემარჯვენეების“ ერთ-ერთმა ლიდერმა მანანა ნაჭყებიამ.

„ადგილობრივი მედიასაშუალებები სისტემატურად აშუქებენ ფაქტებს, როცა საჯარო სკოლებიდან სამხარეო ადმინისტრაციების და მუნიციპალიტეტების ხელმძღვნელობის დავალებით, გაკვეთილებიდან იხსნებიან მოსწავლეები და პედაგოგები, რათა მოაწყონ პრეზიდენტთან ხალხმრავალი შეხვედრები. შეხვედრებში მონაწილეობას ავალდებულებენ საბავშვო ბაღების აღმზრდელებსაც და შესაბამისად, იქაც წყდება აღმზრდელობითი პროცესი“, - აღნიშნა ნაჭყებიამ.

ამ ფაქტის დასადასტურებლად „ახალი მემარჯვენეების“ ერთ-ერთმა ლიდერმა 5 მარტს, კახეთის საინფორმაციო ცენტრის მიერ გავრცელებული ვიდეომასალა დაასახელა.

„ვიდეოში ასახულია ახმეტის რაიონის საჯარო სკოლებიდან მოსწავლეების მასობრივად გამოყვანა გაკვეთილებიდან პრეზიდენტთან შეხვედრისთვის.  შემაშფოთებელია ისიც, რომ მოზარდები საბარგულებით და ღია ძარის მქონე მანქანებით გადაჰყავდათ, რასაც შეიძლება ხიფათი შეექმნა მათი ჯანმრთელობისა და სიცოცხლისთვის. კახეთის საინფორმაციო ცენტრის ინფორმაციით მასწავლებლებისა და მოსწავლეების მობილიზაციის პროცესს ახმეტის საგანმანათლებლო რესურს-ცენტრის უფროსი ბელა მარუქაშვილი ხელმძღვანელობდა. ის ფაქტი, რომ  პრეზიდენტთან შეხვედრების ორგანიზების გამო სასწავლო პროცესის ჩაშლაზე განათლებისა და მეცნიერების სამინისტრო რეაგირებას არ ახდენს, ადასტურებს, რომ ეს ყველაფერი ხდება სწორედ სამინისტროს დასტურით. დაუშვებელია, როცა სამინისტრო, რომელიც თავად უნდა იყოს პასუხისმგებელი  განათლების სისტემაში სასწავლო პროცესის  ნორმალურად წარმართვაზე, თვითონ უწყობს ხელს სისტემის პოლიტიზირებას და სასწავლო პროცესის ჩაშლას“, - განაცხადა მანანა ნაჭყებიამ.

მისივე თქმით, სამინისტროს ხელმძღვანელობამ პასუხი უნდა აგოს მსგავს ფაქტებზე და თავი უნდა დაანებოს განათლების სისტემის გამოყენებას მმართველი პარტიის პოლიტიკური მიზნებისთვის.

„მოვუწოდებთ ქვეყნის პრეზიდენტსაც, ხელი აიღოს რეგიონებში „ხალხმრავალი   დახვედრების“ ორგანიზების იაფფასიან პიარ-კამპანიაზე და მასში იძულებით პედაგოგებისა და მოსწავლე-ახალგაზრდობის, საბიუჯეტო დაწესებულებების თანამშრომელთა მასობრივად ჩართვაზე“, - აღნიშნა „ახალი მემარჯვენეების“ ერთ-ერთმა ლიდერმა.

კახეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC