თელავში, დაკითხვიდან გამოსული „ქართული ოცნების“ მხარდამჭერების განცხადებით, კონტროლის პალატას მათი ოჯახური მდგომარეობა და ოჯახის წევრების შემოსავლებიც აინტერესებს.
„თავიდან დავწერე რამდენი წევრისგან შედგებოდა ჩემი ოჯახი, ფინანსებით ვინ მეხმარებოდა, თავიდან ბოლომდე დამაწერინეს. კონკრეტულად არ მოუთხოვიათ, რომ თანხის ოდენობა დამესახელებინა, მაგრამ მკითხეს, რით ვარჩენდით ოჯახს. ასევე, მკითხეს, რომ სამომავლოდ რას გააკეთებო, მე ვუთხარი ეგ ჩემი საქმეა სამომავლოდ რას გავაკეთებ მეთქი“, - განუცხადა კახეთის საინფორმაციო ცენტრს „ქართული ოცნების“ მხარდამჭერმა ნათია ბიწკინაშვილმა. მისივე თქმით, დაკითხვამდე ის ცალკე ოთახში შეამოწმეს.
„გამომკითხეს, ოჯახის წევრები ვინ არიან, სად არიან, რა შემოსავლები აქვთ და ა.შ. მოითხოვეს, რომ გვითხარიო და მეც დავუწერე, დასამალი არაფერი არ იყო. არ აუხსნიათ რატომ იყო აუცილებელი ამის თქმა, კითხვა დაისვა და მეც განვუმარტე“, - აღნიშნა „თავისუფალი დემოკრატების“ წევრმა ბიძინა ჯოხაძემ.
თელავის მუნიციპალიტეტის გამგეობის შენობის მეორე სართულზე, კონტროლის პალატის მიერ, „ქართული ოცნების“ მხარდამჭერების დაკითხვა დილიდან მიმდინარეობს.
კახეთის საინფორმაციო ცენტრი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
