01:15, Tuesday, 10.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

რატომ მოხსნეს თიანეთის პოლიციის უფროსის მოადგილე ზურაბ უძილაური

04.06.2012
ოლიმპიური ჩემპიონი ზურაბ ზვიადაური, რომელიც კოალიცია „ქართულ ოცნებას“ 14 მაისს შეუერთდა, აცხადებს, რომ თიანეთის პოლიციის უფროსის მოადგილე ზურაბ უძილაური მასთან მეგობრობის გამო მოხსნეს. ზურაბ ზვიადაური უძილაურის ბავშვის ნათლიაა.

„თანამდებობიდან მისი გათავისუფლების მიზეზი ჩემთან მეგობრობა და  ჩვენი სატელეფონო ზარები გახდა. ზურაბს უთხრეს, რომ ან ჩემთან გაწყვეტდა კონტაქტს, ან სამსახურს დაატოვებინებდნენ. მან სამსახურის დატოვება არჩია“, - განუცხადა ზვიადაურმა მცხეთა-მთიანეთის საინფორმაციო ცენტრს.
 
მცხეთა-მთიანეთის საინფორმაციო ცენტრი ზურაბ უძილაურს ვერ დაუკავშირდა. მას ტელეფონი გამორთული აქვს. 
 
30 მაისს, შინაგან საქმეთა სამინისტროს პრესსამსახურის უფროსმა ზურაბ გვენეტაძემ კახეთის საინფორმაციო ცენტრს დაუდასტურა, რომ თიანეთის პოლიციიდან ერთ-ერთი მოადგილე მართლაც გათავისუფლდა. გვენეტაძის თქმით, მან თანამდებობა პირადი განცხადების საფუძველზე დატოვა.
 
შეგახსენებთ, რომ თიანეთის პოლიციის უფროსის მოადგილედ ამ დრომდე მუშაობს მამუკა შალამბერიძე, რომელმაც 20 მაისს, თიანეთში, პოლიციის შენობის გადაღების დროს ჟურნალისტი გელა მთივლიშვილი უკანონოდ დააკავა. შალამბერიძემ და პოლიციის კიდევ ორმა თანამშრომელმა მთივლიშვილი პოლიციის შენობაში ფიზიკური ძალის გამოყენებით შეიყვანეს, რამდენჯერმე დაარტყეს, კამერა წაართვეს, ინციდენტის ამსახველი ფოტო და ვიდეომასალა წაუშალეს და ერთი საათის განმავლობაში დაკავებული ჰყავდათ. ჟურნალისტის დაკავების პროცესს თიანეთის პოლიციის უფროსის მოადგილე მამუკა შალამბერიძე ხელმძღვანელობდა, რომელიც ინსტრუქციებს ტელეფონით პოლიციის უფროსისგან იღებდა. ჟურნალისტს ფიზიკური შეურაცხყოფაც შალამბერიძემ მიაყენა. გელა მთივლიშვილი სასწრაფო სამედიცინო დახმარების ბრიგადამ თიანეთის სამედიცინო ცენტრში გადაიყვანა, სადაც მას თხემის არეში დაჟეჟილობის და ტვინის შერყევის დიაგნოზი დაუსვეს.
 
მომხდართან დაკავშირებით პროკურატურამ გამოძიება 30 მაისს დაიწყო, მიუხედავად იმისა, რომ ჟურნალისტმა პროკურატურას გამოძიების დაწყების მოთხოვნით 21 მაისს მიმართა.

მცხეთა-მთიანეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC