12:23, Wednesday, 08.04.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სასამართლომ „ქართული ოცნების“ წევრის სარჩელი დააკმაყოფილა

18.06.2012
გურჯაანის რაიონული სასამართლოს მოსამართლე ნანა ჩალათაშვილმა სრულად დააკმაყოფილა კოალიცია „ქართული ოცნების“ წევრის ზვიად ყვირალაშვილის სარჩელი, რომელიც სამსახურიდან გათავისუფლების ბრძანების ბათილად ცნობას და განაცდური ხელფასის ანაზღაურებას ითხოვდა.

„რესპუბლიკური პარტიის“ გურჯაანის ორგანიზაციის ხელმძღვანელი ზვიად ყვირალაშვილი სამსახურიდან 9 მარტს გაათავისუფლეს. ყვირალაშვილი საკრებულოს მიერ დაფუძნებულ შპს „კეთილმოწყობა“-ში დირექტორის მოადგილედ მუშაობდა და შრომითი ხელშეკრულება 2012 წლის 1 მაისამდე ჰქონდა გაფორმებული.

„შეწყდეს შრომითი ხელშეკრულება საქართველოს შრომის კოდექსის 37-ე მუხლის „გ“ ქვეპუნქტის საფუძველზე“, - ნათქვამია ბრძანებაში. აღნიშნული პუნქტი ერთ-ერთი მხარის მიერ შრომითი ხელშეკრულების პირობების დარღვევას ითვალისწინებს.

„2011 წლის 1 თებერვალს შეიქმნა შპს „კეთილმოწყობა“, სადაც 9 მარტამდე ვმუშაობდი დირექტორის მოადგილის თანამდებობაზე. 6 მარტს, გურჯაანში ორგანიზება გავუკეთე „ქართული ოცნების“ ოფისის გახსნას, რის გამოც 9 მარტს, სამსახურში რომ მივედი, დამხვდა თანამდებობიდან ჩემი განთავისუფლების ბრძანება, სადაც არ იყო მითითებული რეალური მიზეზები. ბრზანება სასამართლოში გავასაჩივრე. სასამართლომ მიიჩნია, რომ ბრძანება კანონის დარღვევით იყო გამოცემული და გააუქმა. ეს ნიშნავს იმას, რომ განაცდური უნდა ამინაზღაურდეს 700 ლარის ოდენობით“, - განუცხადა ზვიად ყვირალაშვილმა კახეთის საინფორმაციო ცენტრს.

შპს „კეთილმოწყობა“-ს დირექტორი ფარნაოზ ბეროშვილი რაიონული სასამართლოს გადაწყვეტილების გასაჩივრებას აპირებს. მისი თქმით, ყვირალაშვილი მარტის დასაწყისიდან სამსახურში ხშირად არ ცხადდებოდა, რაზედაც სიტყვიერი სახით არაერთხელ მისცა შენიშვნა, 9 მარტს კი სამსახურიდან დაითხოვა.

მას შემდეგ, რაც ზვიად ყვირალაშვილის გათავისუფლების ფაქტზე კახეთის საინფორმაციო ცენტრმა ინფორმაცია გაავრცელა, ყვირალაშვილის საქმე „სამართლიანი არჩევნებისა და დემოკრატიის საერთაშორისო საზოგადოების“, „ახალგაზრდა იურისტთა ასოციაციის“ და „საერთაშორისო გამჭვირვალობა – საქართველოს“ ანგარიშებში მოხვდა.

კახეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

უჩინარი მტერი
2020 წელი სულ ახლახან დაიწყო და მალევე მსოფლიოს დაუჯერებელი ინფორმაცია ეცნო - ინფორმაცია მკვლელი ვირუსის შესახებ, რომელიც ჩინეთში, უჰანის პროვინციაში გაჩნდა, შემდეგ კი
ვრცლად...
აპოკალიფსი არ იქნება
საგანგებო მდგომარეობის გავლენა საპარლამენტო არჩევნებზე
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC