12:56, Wednesday, 08.04.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ზესტაფონში „ქართული ოცნების“ საწინააღმდეგო ბანერი გააკრეს

21.06.2012

„სამოქალაქო განვითარების ინსტიტუტმა“ ზესტაფონში „ქართული ოცნების“ საწინააღმდეგო ბანერი დააფიქსირა.

„უარი ვუთხრათ! ივანიშვილის, ხიდაშელის, დავითაშვილის, ალასანიასა და ბერძენიშვილის არაქართული ოცნებით აშენებულ საქართველოს! უარი ვუთხრათ ფულზე გაყიდულ პოლიტიკოსებს! გააკეთეთ სწორი არჩევანი! დასანგრევი კიდევ ბევრია“, - ასეთი წარწერაა ბანერზე, რომელზეც „ნაციონალური მოძრაობის“ საარჩევნო ნომერი „5“-ია მითითებული.

როგორც „ინტერპრესნიუსს“ ინსტიტუტის ხელმძღვანელმა, ია ანთაძემ განუცხადა, ბანერი ზესტაფონის ბაზრის შესასვლელთან, ერთ-ერთი მაღაზიის თავზეა გაკრული, რასაც მისი შინაარსის გამო, იურისტები კანონდარღვევად აფასებენ.

„ბანერის ფოტო ჩვენ ერთ-ერთმა მოქალაქემ გამოგვიგზავნა. როცა ის მივიღეთ, დავეჭვდით, რომ შესაძლოა, ფოტომონტაჟი ყოფილიყო, ამიტომაც სანამ გამოვაქვეყნებდით, ინფორმაცია გადავამოწმეთ. როგორც აღმოჩნდა, ზესფატონში, ბაზრის შესასვლელთან ასეთი შინაარსის ბანერი ნამდვილად არის განთავსებული“, - აღნიშნა ია ანთაძემ.

მისივე შეფასებით, ძნელია ბანერის ავტორის დასახელება, რადგან ერთის მხრივ, ბანერი „ნაციონალური მოძრაობასთან“ კავშირზე მეტყველებს, თუმცა, მეორე მხრივ, წარწერა „არც თუ კარგი ქართულითაა დაწერილი, რაც ეჭვს ბადებს, რომ ვისაც ჭკუა მოეკითხება, ის ტექსტს მაინც გამართავდა“.

ამასთან, ანთაძის თქმით, ზესტაფონში აღმოჩენილ ახალ ბანერთან დაკავშირებით „სამოქალაქო განვითარების ინსტიტუტი“ არანაირ რეაგირებას არ აპირებს, რადგან მისი მოვალეობა მხოლოდ ინფორმაციის მოპოვება და გავრცელებაა.

„ჩვენ ამ საქმიანობას ვახორციელებთ პროექტის ფარგლებში, რომელიც გაეროს დემოკრატიის ფონდის მიერაა მხარდაჭერილი. ასეთ ფაქტებზე რეაგირება ჩვენს თავზე არასდროს აგვიღია. ჩვენი მიზანია მოვიპოვოთ და გავავრცელოთ ინფორმაცია. ჩვენ შევქმენით საინფორმაციო ბანკი სადაც ორი კალათაა - გადამოწმებული და გადაუმოწმებელი ინფორმაციების“, - განმარტა ანთაძემ.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

უჩინარი მტერი
2020 წელი სულ ახლახან დაიწყო და მალევე მსოფლიოს დაუჯერებელი ინფორმაცია ეცნო - ინფორმაცია მკვლელი ვირუსის შესახებ, რომელიც ჩინეთში, უჰანის პროვინციაში გაჩნდა, შემდეგ კი
ვრცლად...
აპოკალიფსი არ იქნება
საგანგებო მდგომარეობის გავლენა საპარლამენტო არჩევნებზე
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC