11:47, Wednesday, 08.04.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

თბილისელ სომეხთა ასამბლეის პოლიტიკურ პარტიებთან შეხვედრაზე მოსასმენი და ჩამწერი მოწყობილობა აღმოაჩინეს

25.06.2012
საერთო-სამოქალაქო მოძრაობა „მრავალეროვანი საქართველო“ აგრძელებს პოლიტიკური პარტიების საჯარო საქმიანობაზე დაკვირვებას, რისი უმთავრესი მიზანიცაა ეთნიკურ და რელიგიურ უმცირესობებთან თანამშრომლობის ინტენსიურობის განსაზღვრა და ამ უკანასკნელთა ჩართულობა პარტიების პროგრამებში, განსაკუთრებით კი წინასაარჩევნო პერიოდში.

ხსენებული ინიციატივის ფარგლებში, „მრავალეროვანი საქართველო“ აკვირდებოდა 21 ივნისს გამართულ თბილისელ სომეხთა ასამბლეის მიერ ორგანიზებულ კონფერენციას თემაზე „წინასაარჩევნო დისკუსია სომხურ თემთან“.

კონფერენციაში მონაწილეობა მიიღეს საქართველოს სომხური თემის ორგანიზაციების ლიდერები, სომხური ინტელიგენციის წარმომადგენლები, სომხური სამოციქულო ეკლესიის და სომხური კათოლიკური ეკლესიის წარმომადგენლები. შეხვედრას ესწრებოდნენ სამი პოლიტიკური პარტიის წარმომადგენლები: „დემოკრატიული მოძრაობა - ერთიანი საქართველო“, „თავისუფალი საქართველო“ და კოალიცია „ქართული ოცნების“ წევრი რესპუბლიკური პარტია.

შეხვედრაზე განიხილეს საქართველოს სომეხთა სათვისტომოს წინაშე არსებული სპეციფიური პრობლემები და მათი გადაჭრის შესაძლო გზები, ასევე ქვეყნის ეთნიკურად სომეხი მოქალაქეების პოლიტიკურ პროცესეში ჩართულობის საკითხი და ზოგადად წინასაარჩევნო კლიმატი საქართველოში. 

ორგანიზატორების ცნობით, მეორე ეტაპზე დაგეგმილია შეხვედრები შემდეგი პოლიტიკური პარტიების წარმომადგენლებთან: „ერთიანი ნაციონალური მოძრაობა“, „ახალი მემარჯვენეები“, „ქრისტიან-დემოკრატიული მოძრაობა“.

შეხვედრის დასრულების შემდეგ საკონფერენციო დარბაზში აღმოჩნდა ქოთნის ყვავილი და მასში ჩამალული ავტინომიური ჩამწერი მოსასმენი მოწყობილობით. სასტუმროს პერსონალის თქმით, სადაც გაიმართა კონფერენცია, ქოთანი შეხვედრამდე 2-3 საათით ადრე მოიტანა სამმა კაცმა, რომლებმაც მათ ორგანიზატორებად გააცნეს თავი. შემთხვევის ადგილას გამოძახებულ იქნა პატრულის სამსახური.

საერთო-სამოქალაქო მოძრაობა ”მრავალეროვანი საქართველოს” პრეს-სამსახური

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

უჩინარი მტერი
2020 წელი სულ ახლახან დაიწყო და მალევე მსოფლიოს დაუჯერებელი ინფორმაცია ეცნო - ინფორმაცია მკვლელი ვირუსის შესახებ, რომელიც ჩინეთში, უჰანის პროვინციაში გაჩნდა, შემდეგ კი
ვრცლად...
აპოკალიფსი არ იქნება
საგანგებო მდგომარეობის გავლენა საპარლამენტო არჩევნებზე
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC