14:56, Friday, 13.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

საქართველოს განვითარების კვლევითი ინსტიტუტი პრემიერ-მინისტრისთვის უფლებამოსილების გაზრდას აპროტესტებს

13.07.2012
საქართველოს განვითარების კვლევითი ინსტიტუტი "საქართველოს მთავრობის სტრუქტურის, უფლებამოსილებისა და საქმიანობის წესის შესახებ" კანონში 5 ივლისს შეტანილი ცვლილებებს აპროტესტებს.

როგორც ინსტიტუტის განცხადებაშია აღნიშნული, კანონი ეწინააღმდეგება დემოკრატიისა და სამართლებრივი სახელმწიფოს პრინციპებს, ასევე საქართველოს კონსტიტუციის 78-ე, მე-80 მუხლებს და შეიცავს პოლიტიკურ საფრთხეებს.
ინსტიტუტში მიაჩნიათ, რომ პრემიერის კომპეტენციის ფარგლებში მის მიერვე განსაზღვრულ ნებისმიერ პირს შეეძლება ინდივიდუალურ-სამართლებრივი აქტის-ბრძანების გამოცემა. ასეთი ფართო უფლებამოსილებები შეიძლება განახორციელოს პირმა, რომელსაც ხალხის მიერ უშუალოდ არჩეულ პარლამენტთან არავითარი შეხების წერტილი არ გააჩნია. სწორედ აქ წყდება ლეგიტიმაციის ჯაჭვი, რაც არღვევს დემოკრატიის პრინციპს.

„კონსტიტუციაში მკაცრად არის გაწერილი, როგორც მთავრობის ფორმირების პროცედურა, ასევე პირთა წრე, რომლებსაც ბრძანების გამოცემის უფლებამოსილება გააჩნიათ. პრემიერის მიერ განსაზღვრული პირი, რომელიც არც ერთ ამ სავალდებულო პროცედურას არ გაივლის და არც ბრძანების გამოცემის კონსტიტუციით მინიჭებული უფლებამოსილებით სარგებლობს, შეუძლია გამოსცეს ინდივიდუალურ-სამართლებრივი აქტები პრემიერის კომპეტენციის ფარგლებში, რაც არღვევს სამართლებრივი სახელმწიფოს პრინციპს. აღნიშნული ცვლილება წარმოადგენს, ასევე, მე-80 მუხლის არამართლზომიერ გვერდის ავლას. ამასთანავე, ის არღვევს 78-ე მუხლის მე-5 პუნქტს", - აღნიშნულია განცხადებაში.

საქართველოს განვითარების კვლევითი ინსტიტუტში აცხადებენ, რომ ცვლილება შეიცავს პოლიტიკურ საფრთხეებსაც. პრემიერ-მინისტრს თავისუფლად შეუძლია მის კომპეტენციას მიკუთვნებულ საკითხებზე ბრძანების გამოცემის უფლებამოსილების დელეგირება მოახდინოს სხვა პირებზე და ამით საკუთარი პასუხისმგებლობა, როგორც პოლიტიკური, ასევე სამართლებრივი, საერთოდ მოიხსნას.

„სხვაგვარად რომ ვთქვათ, ეს ცვლილება იძლევა იმის საშუალებას, რომ პრემიერმა „შავი სამუშაო“ შეასრულებინოს სხვებს, თავად კი პასუხისმგებლობა აირიდოს თავიდან. ასევე პრობლემურია, რომ პრემიერ-მინისტრს შეუძლია მის მიერ განსაზღვრულ ნებისმიერ პირს გადასცეს საკუთარი უფლებები, რომელიც შეეხება რეგიონული პოლიტიკის განხორციელებისა და თვითმმართველობის ორგანოებთან მთავრობის ურთიერთობის კოორდინაციას. პრემიერ-მინისტრისთვის კოორდინაციის უფლებამოსილების მინიჭებით ხაზგასმულია ამ საკითხის მნიშვნელობის მაღალი დონე, ხოლო მისი დელეგირება უფრო დაბალი რანგის პირზე, აშკარად ამცრობს საკითხის მნიშვნელობას და საფრთხეს უქმნის თვით კოორდინაციის განხორციელების შესაძლებლობას. სამთავრობო გადაწყვეტილებების მიღების წესის რეგლამენტით მოწესრიგება, პირველ ყოვლისა, აკნინებს პარლამენტის კონტროლის ფუნქციებას მთავრობაზე. ამასთანავე, მთავრობას შეუძლია რეგლამენტის მიღებისას არ განსაზღვროს კვორუმი და სამართლებრივი აქტის გამოცემის უფლებამოსილება მიანიჭოს დამსწრეთა უმრავლესობას. მრავალპარტიული პარლამენტის კოალიციური მთავრობის პირობებში შესაძლებელია უმცირესობაში მყოფმა რომელიმე პოლიტიკური ძალის წარმომადგენელმა მინისტრებმა მიიღონ სამართლებრივი აქტი მთავრობის სახელით“, - აღნიშნულია განცხადებაში.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC