11:48, Monday, 09.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

პოლიციის თანამშრომელი „ქართული ოცნების“ წევრებს დაკავებით დაემუქრა

01.08.2012
კოალიცია „ქართული ოცნების“ წევრი, სიღნაღის რაიონის სოფელ ძველ ანაგაში მცხოვრები აკაკი ტალიაშვილი სიღნაღის პოლიციის წნორის ქვეგანყოფილების თანამშრომელს გიორგი ბეგიაშვილს ზეწოლაში ადანაშაულებს.

„უბნის რწმუნებული გიორგი ბეგიაშვილი მოვიდა ჩემთან და მითხრა, რომ „ქართული ოცნება“ უნდა დავტოვო და ივანიშვილის ხალხს საერთოდ თავი უნდა დავანებო. თუ პარტიიდან არ გამოხვალ, რაღაცეებს გაბრალებენ და პრობლემები შეგექმნებაო. ვკითხე, რას მაბრალებენ მეთქი და მიპასუხა, წისქვილიდან ხორბალი და ფქვილია დაკარგული და პარტიიდან დროზე თუ არ გახვალ, შენი საქმე ცუდად იქნებაო“, – განუცხადა აკაკი ტალიაშვილმა კახეთის საინფორმაციო ცენტრს.

კოალიცია „ქართულ ოცნებასთან“ მეუღლის ნანა მოსაშვილის თანამშრომლობის გამო დაკავებით დაემუქრნენ სოფელ ვაქირში მცხოვრებ შალვა მოსაშვილსაც. მისი თქმით, ზეწოლა სიღნაღის მაჟორიტარი დეპუტატის ნუგზარ აბულაშვილის დავალებით განხორციელდა.

„რამდენიმე დღის წინ, ჩემმა მეუღლემ ნანა მოსაშვილმა მუშაობა დაიწყო „ქართულ ოცნებაში“, კარდაკარის პროგრამაში. სამი დღის შემდეგ მომიგზავნეს ხალხი და მითხრეს, მეუღლე „ქართული ოცნებიდან“ გამოიყვანეო, რაზეც უარი ვუთხარი. მერე კიდევ რამდენიმე კაცი მოგზავნეს და მემუქრებოდნენ, დაგიჭერთო. ორმა ადამიანმა მითხრა, პირადად ნუგზარ აბულაშვილმა გამოგვგზავნა, უთხარით, გაჩერდესო,“ –აღნიშნა შალვა მოსაშვილმა.

კახეთის საინფორმაციო ცენტრი პოლიციის თანამშრომელს გიორგი ბეგიაშვილს ვერ დაუკავშირდა, დეპუტატმა ნუგზარ აბულაშვილმა კი აღნიშნა, რომ შალვა მოსაშვილზე ზეწოლის შესახებ არაფერი იცის. „არ მაინტერესებს, მე საქმის კურსში არა ვარ და ვინც გეუბნებათ მაგას, იმას ჰკითხეთ რა“, – განუცხადა ნუგზარ აბულაშვილმა კახეთის საინფორმაციო ცენტრს.

კახეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC