პორტალი ადამიანის უფლებების შესახებ

ქუთაისის მაჟორიტარი დეპუტატი „ნაციონალური მოძრაობიდან“, აკაკი ბობოხიძე მომავალ პარლამენტში მოსახვედრად კენჭს წყალტუბოს მუნიციპალიტეტიდან იყრის. ბობოხიძე 2 აგვისტოს წყალტუბოს გამგეობის შენობაში არაოფიციალურად წარადგინეს. იგი მუნიციპალიტეტის წარმომადგენლებს იმერეთის გუბერნატორმა ლაშა მაქაცარიამ და პრემიერ-მინისტრმა ვანო მერაბიშვილმა წარუდგინა.

კაკო ბობოხიძე ქუთაისის მაჟორიტარი დეპუტატია. მანამდე იმერეთის მხარის გუბერნატორი იყო. თუმცა, მისი სადეპუტატო მანდატის ისტორია მშობლიურ ხონის მუნიციპალუტეტს უკავშირდება. ვრცელდებოდა ინფორმაცია, რომ ბობოხიძე ხონის მუნიციპალიტეტში ხონის მაჟორიტარი დეპუტატობის კანიდატი იქნებოდა „ნაციონალური მოძრაობიდან“, თუმცა, მოულოდნელად წყალტუბოს მუნიციპალიტეტში წარადგინეს.

ცნობილია, რომ აკაკი ბობოხიძის კონკურენტები წყალტუბოში „ახალი მემარჯვენეების“ კანდიდატი გოგა ასათიანი, ხოლო „ქართული ოცნებიდან“ პაატა ზაქარეიშვილი იქნება. 

მარი ტაბიძე, წყალტუბო

დატოვეთ თქვენი კომენტარი

თქვენი სახელი:
თქვენი კომენტარი:

ქართულად
დამცავი კოდი:

არიან თუ არა ამჟამად საქართველოში პოლიტიკური პატიმრები?

დიახ არა არ ვიცი

წინ

არქივი შედეგები