ბათუმში, ტბელ აბუსერიძის ქ.#38 საცხოვრებელი კორპუსის სადარბაზოში გაკრულ სტენდზე „ერთიანი ნაციონალური მოძრაობის“ საარჩევნო ნომერი - ხუთიანია მიკრული. როგორც ადგილობრივები ამბობენ, შენოხაზული 5 სტენდზე რამდენიმე დღის წინ გაჩნდა.
„არ ვიცი ვინ მიაკრა. ზემოდან დაწერილი არაა. მიკრულია ეგ წრეში ჩაწერილი ხუთიანი. ნაციონალური მოძრაობის რომელიმე წევრი ჩვენს კორპუსში არ ცხოვრობს. არც უცდია ვინმეს მისი მოძრობა“, - ამბობს კორპუსის პირველ სართულზე მცხოვრები ქალბატონი.
„მხოლოდ ჟურნალისტები დაინტერესდით. სხვა არავინ შეწუხებულა“, - გვითხრა იმავე კორპუსში მცხოვრებმა მამაკაცმა, რომელმაც ვინაობის გამხელა არ ისურვა.
12-სართულიან კორპუსში აღნიშნული სტენდი დიდი ხანია არსებობს. მასზე კორპუსში მცხოვრებთა გვარები და ბინის ნომრებია მითითებული.
მაკა მალაყმაძე, აჭარა