მემორანდუმი ჯანმრთელობის უფლების დასაცავად

არასამთავრობო ორგანიზაციებმა - „კონსტიტუციის 42-ე მუხლი“, „ახალი ვექტორი“ და „ჰეპა პლუსი“ ადამიანთა ჯანმრთელობის უფლების დაცვაზე ურთიერთთანამშრომლობისა და დახმარების შესახებ მემორანდუმი გააფორმეს.

 

ორგანიზაციები იწყებენ ურთიერთთანამშრომლობას ადამიანთა ჯანმრთელობის უფლების დასაცავად, იურიდიული მომსახურების განხორციელებისა და ერთობლივი საინფორმაციო კამპანიების წარმოების გზით.

 

ორგანიზაცია „კონსტიტუციის 42-ე მუხლმა“ ახალი პროექტი „სტრატეგიული სამართალწარმოება ჯანმრთელობის უფლების დასაცავად“ დაიწყო, რომელსაც  ფონდი „ღია საზოგადოება - საქართველო“ აფინანსებს.

 

პროექტის მიზანია, გააუმჯობესოს სოციალურად დაუცველი და მარგინალური მოსახლეობის ჯანმრთელობის უფლების დაცვა სტრატეგიული სამართალწარმოების მეშვეობით. 

 

ორგანიზაცია ჯანმრთელობის უფლებების დაცვის საკითხებზე უფასო იურიდიული  კონსულტაციებს (სატელეფონო, პირისპირი და ინტერნეტ საშუალებებით) გაუწევს დაინტერესებულ მოქალაქეებს.  ასევე, ჩატარდება ცნობიერების ამაღლების კამპანიები.

„42-ე მუხლი“ პასუხისმგებლობას იღებს ცალკეულ შემთხვევებში მოქალაქეებს გაუწიოს სამართლებრივი წარმომადგენლობა ეროვნულ დონეზე და საერთაშორისო ინსტანციებში.

კონსტიტუციის 42-ე მუხლი