04:53, Friday, 06.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

„ნაციონალური მოძრაობის“ აქტივისტმა კახეთის საინფორმაციო ცენტრის ჟურნალისტს დაარტყა

16.08.2012
 
„ერთიანი ნაციონალური მოძრაობის“ გურჯაანის რაიონული ორგანიზაციის აქტივისტმა გურამ გურგენიშვილმა კახეთის საინფორმაციო ცენტრის (www.ick.ge) ჟურნალისტს ნატალია სარქისაშვილს პროფესიული მოვალეობის შესრულების დროს დაარტყა, გადაღებაში ხელი შეუშალა და ვიდეოკამერა წაართვა.

ჟურნალისტი სოფელ ველისციხეში სტიქიით დაზარალებულ მოქალაქეებს იღებდა, რომლებიც ხელისუფლების მიმართ უკმაყოფილებას გამოთქვამდნენ. „ნაციონალური მოძრაობის“ აქტივისტი ჟურნალისტთან ამ დროს მივიდა და კამერაზე ხელს უფარებდა. ჟურნალისტმა მმართველი პარტიის აქტივისტს უთხრა, რომ მუშაობაში ხელშეშლა შეეწყვიტა და პარალელურად აღნიშნულ ფაქტს იღებდა, რა დროსაც პარტიის აქტივისტმა ჟურნალისტ გოგონას ხელი გადაუგრიხა და კამერა წაართვა. ჟურნალისტი კამერის დაბრუნებას შეეცადა, რის შემდეგაც აქტივისტმა მას რამდენჯერმე დაარტყა. დარტყმის შედეგად ჟურნალისტს ფიზიკური დაზიანება არ მიუღია.

კახეთის საინფორმაციო ცენტრის ინფორმაციით, „ნაციონალური მოძრაობის“ აქტივისტი გურამ გურგენიშვილი ერთ–ერთი საბიუჯეტო ორგანიზაციის თანამშრომელიც არის.

„ნაციონალური მოძრაობის“ კახეთის კოორდინატორის გიორგი ბოტკოველის განცხადებით, მათი აქტივისტი ჟურნალისტს მუშაობაში ხელს არ შეუშლიდა. „მე არ მაქვს ინფორმაცია რა მოხდა, მაგრამ ჩვენი აქტივისტი ჟურნალისტს მუშაობაში ხელს არ შეუშლიდა. როგორ გეკადრებათ. შეიძლება ფაქტი მოხდა, მაგრამ ის ადამიანი ჩვენი აქტივისტი არ იყოს“, – განაცხადა ბოტკოველმა.

კახეთის საინფორმაციო ცენტრი ინციდენტის ამსახველ ვიდეომასალას რამდენიმე წუთში გაავრცელებს.

კახეთის საინფორმაციო ცენტრი
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC