22 აგვისტოს საღამოს 8 საათზე, ბათუმის ბულვარში რამდენიმე ახალგაზრდამ რუსული ფემინისტური პანკ–ჯგუფის, Pussy Riot–ის დაპატიმრებული წევრებისადმი მხარდამჭერი აქცია გამართა.
აქციის ერთ-ერთმა ორგანიზატორმა გიორგი ბოლქვაძემ humanrights.ge-სთან საუბრისას განაცხადა, რომ პანკ-ჯგუფის წევრ გოგონებს უსამართლოდ მიუსაჯეს ორწლიანი პატიმრობა: „ორი წელი ქალთა გამოსასწორებელ კოლონიაში მხოლოდ იმისათვის, რომ ღვთისმშობელს სთხოვეს პუტინის განდევნა, უსამართლოა. ეს არ იყო სისხლის სამართლის დანაშაული. ჩვენი აქტივობით გვინდა სოლიდარობა გამოვუცხადოთ პანკ-ჯგუფს“.
აქციის წევრებმა და რამდენიმე ტურისტმა ზღვის ნაპირიდან საჰაერო ფანრები გაუშვეს, რომლებსაც ჰქონდათ წარწერა: „თავისუფლება pussy riot“.
მაკა მალაყმაძე, აჭარა