15:14, Tuesday, 10.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

'kavkazcenter' შეიარაღებული პირების საქართველოში შემოსვლის შესახებ საკუთარ ვერსიას ავრცელებს

31.08.2012
საქართველო-რუსეთის საზღვრის დაღესტნის მონაკვეთიდან ლოპოტას ხეობიდან შეიარაღებული პირების შემოსვლის შესახებ kavkazcenter-ი საკუთარ ვერსიას ავრცელებს. 

პორტალის ინფორმაციით, წყაროების მეშვეობით მათთვის ცნობილი გახდა საქართველო-დაღესტნის საზღვარზე განვითარებული მოვლენების დაწვრილებითი დეტალები. 

„დაღესტნის ვილაიეთის სამხედრო ხელმძღვანელობამ საქართველოსა და რუსეთისგან მალულად, საქართველო-დაღესტნის საზღვრის ერთ-ერთ მთიან ნაწილში მოხალისე ახალწვეულთა ჯგუფი შეკრიბა, რომლებსაც დაღესტნის ოპერატიული ჯგუფის მხარდაჭერა ევალებოდათ. ახალწვეულები დისლოკაციის ადგილის მიმართულებით მოძრაობდნენ, რათა მონაწილეობა მიეღოთ დაღესტნის ვილაიეთის ტერიტორიაზე განლაგებული რუსეთის საოკუპაციო ჯარის წინააღმდეგ საბრძოლო მოქმედებებში. ოპერაციის უკანასკნელ ეტაპზე ჯგუფის გადაადგილების მარშრუტის შესახებ ინფორმაციამ გაჟონა. საქართველოს ხელისუფლებამ ახალწვეულთა წინააღმდეგ სპეცრაზმის მსხვილი დანაყოფები და ვერტმფრენები გაგზავნა. ქართულმა მხარემ მოჯაჰედებთან მოლაპარაკებები დაიწყო და მას იარაღის დაყრა შესთავაზა. საქართველოს ხელისუფლებამ შეიარაღებული დანაყოფის საკუთარ ტერიტორიაზე გამოჩენა პროვოკაციად შეაფასა და ჩათვალა, რომ რუსეთი ამას მორიგი სამხედრო შეჭრის ორგანიზების წინაპირობად გამოიყენებდა“, - ნათქვამია სტატიაში. 

kavkazcenter-ის ცნობით, მოლაპარაკებების პროცესში, რომელიც დღე-ღამეზე მეტ ხანს გაგრძელდა, ახალწვეულმა მოჯაჰედებმა იარაღის დაყრაზე უარი თქვეს. 

„მათ საქართველოს ხელისუფლებას მოუწოდეს, გაეთავისუფლებინათ მათთვის მარშრუტი და მიეცათ საშუალება, თავისუფლად დაეტოვებინათ საქართველოს ტერიტორია, რომელზეც ისინი დანიშნულების ადგილისკენ სვლისას აღმოჩნდნენ. მას შემდეგ, რაც მოლაპარაკებები ჩიხში შევიდა, ბრძოლა დაიწყო. ჩვენი წყაროები უარყოფენ ინფორმაციას იმის შესახებ, რომ მოჯაჰედებმა ქართველი სამოქალაქო პირები მძევლებად აიყვანეს. ინფორმაციის გაჟონვა მათი მარშრუტის შესახებ სწორედ იმიტომ მოხდა, რომ ახალწვეულებმა გაუშვეს ხუთი ქართველი, რომლებიც შემთხვევით შეხვდათ“, - წერს kavkazcenter. 

ანალიტიკური პორტალის წყარო მწუხარებას გამოთქვამს მომხდარი სისხლისღვრის გამო, რომელიც მათი თქმით, არ აწყობს არც საქართველოს, რომელიც რუსეთის ახალი აგრესიის საფრთხის წინაშე დგას და არც მუსულმანურ კავკასიას, რომელიც რუს ოკუპანტებს ებრძვის.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC