„ქართულმა ოცნებამ“ სამტრედიაში კიდევ ერთი ოფისი გახსნა

3 სექტემბერს, სამტრედიის მუნიციპალიტეტის მაჟორიტარი დეპუტატობის კანდიდატმა და კოალიცია „ბიძინა ივანიშვილი - ქართული ოცნების“ სიის პირველმა ნომერმა კახი კალაძემ სოფელ ახალსოფელში „ქართული ოცნების“ ოფისი გახსნა.

სოფელ ახალსოფლის მკვიდრი სალომე გეფერიძე თვლის, რომ ოფისის გახსნა მნიშვნელოვანია კოალიციისთვის. „ჩვენ გვწამს, რომ ბიძინა ივანიშვილი და კახი კალაძე იმედებს გაგვიმართლებს“, - განაცხადა მან.

კალაძე სოფელ ბაშის, ყაზბეგისუბნისა და იანეთის მოსახლეობას შეხვდა. მოსახლეობამ უგზოობისა და უმუშევრობის პრობლემებზე ისაუბრა.

მოსახლეობასთან  შეხვედრაზე კალაძემ განაცხადა: „იმ ადამიანებს, რომლებიც დღეს ხელისუფლებაშია, მოვუწოდებ, დღესვე ეძებონ ციხის კარები, რადგან მათი ადგილი 1 ოქტომბრის მერე ჩვენს გვერდით არ იქნება. ჩვენ ვეძებთ პატიოსან, ღირსეულ და პროფესიონალ ადამიანებს“.

მარი ტაბიძე, სამტრედია