„ლიბერთი ბანკი“ კახეთის საინფორმაციო ცენტრს ბოდიშს უხდის

„ლიბერთი ბანკი“ კახეთის საინფორმაციო ცენტრს, 30 აგვისტოს, ორგანიზაციის საბანკო ანგარიშებზე დავალიანების სახით 30 მილიონამდე ლარის ასახვის და ფინანსური ოპერაციების განხორციელების უფლების დაბლოკვის გამო ბოდიშს უხდის.

„მინდა მოგესალმოთ და გადაგიხადოთ მადლობა „ლიბერთი ბანკის“ მომსახურებით სარგებლობისთვის. 2012 წლის 30 აგვისტოს თქვენი ორგანიზაციის ანგარიშის ამონაწერში დაფიქსირებული არაზუსტი ინფორმაცია გამოწვეული იყო დროებითი ტექნიკური ხარვეზით, რომელიც ოპერატიულად შესწორდა თქვენგან მიღებული შეტყობინებისთანავე. „ლიბერთი ბანკის“ ხელმძღვანელობამ და ტექნიკურმა პერსონალმა მიიღო ყველანაირი ზომა, რომ ამგვარი პრობლემა მეტი არ დაფიქსირდეს არც თქვენს კომპანიასთან, არც ჩვენი ბანკის სხვა კლიენტებთან მიმართებაში. ბანკის სახელით ბოდიში მინდა მოგიხადოთ წარმოქმნილი უხერხულობის გამო“, – ნათქვამია „ლიბერთი ბანკის“ წერილში.

კახეთის საინფორმაციო ცენტრი