14:56, Friday, 13.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ევროკავშირი კონფლიქტის ზონის ორივე მხარეს მცხოვრებ მოქალაქეებს ეხმარება

07.09.2012
ევროკავშირი დახმარებას უწევს კონფლიქტის ზონის ორივე მხარეს მცხოვრებ მოსახლეობას წყლის მისაწვდომობის ხელშეწყობა კონფლიქტის შედეგების შესამსუბუქებლად ევროკავშირმა წამოიწყო ერთწლიანი პროექტი წყალმომარაგების გასაუმჯობესებლად.

საქართველოში ევროკავშირის წარმომადგენლობის მიერ 6  სექტემბერს გავრცელებული პრეს-რელიზის თანახმად, პროექტი დახმარებას გაუწევს:

• ზონკარის კაშხლის წყალგამშვების მარცხენა ფრთის რეკონსტრუქციას;

• სოფელ ზნაურში სასმელი წყლის განაწილების ქსელის რეაბილიტაციას;

• ტუმბოს დაყენებას, რომელიც სარწყავ წყალს სალთვისიდან სოფელი ნიქოზის ზედა ნაწილს მიაწვდის;

• ტექნიკურ-ეკონომიკური შესწავლის ჩატარებას ცხინვალისათვის სასმელი წყლის მიწოდების გაზრდის შესაძლებლობის  შესაფასებლად;

• ვანათის სათავე ნაგებობიდან სასმელი წყლის მიწოდების განახლებისთვის საჭირო სარემონტო სამუშაოების შეფასებას.

პრეს-რელიზის მიხედვით, ევროკავშირი  აფინანსებს 945 000 ევროს ღირებულების პროექტს, რომელსაც ევროპის უშიშროებისა დათანამშრომლობის ორგანიზაცია (ეუთო) განახორციელებს მისი ამჟამინდელი თავმჯდომარე ქვეყნის - ირლანდიის ხელმძღვანელობით. ამ ინიციატივას საფუძვლად დაედო ჟენევის მოლაპარაკებაზე მონაწილეთა შორის მიღწეული ურთიერთგაგება - ისინი აღიარებენ კონფლიქტის ტერიტორიაზე მცხოვრები მოსახლეობისათვის სასმელი და სარწყავი წყლის მისაწვდომობის ხელშეწყობის საჭიროებას.

ზოგადი ინფორმაცია. 2010 წელს ევროკავშირმა სამხრეთ ოსეთში განაახლა ეკონომიკური რეაბილიტაციის პროგრამა, რომელიც 1990-იან წლებში იქნა წამოწყებული და 2008 წლის კონფლიქტის გამო შეწყდა. 2 მილიონ ევროიანი პროექტი ძირითადად მიზნად ისახავდა სარწყავი და სასმელი წყლის მიწოდებას კონფლიქტის ზონის ორივე მხარეს მცხოვრები მოსახლეობისათვის და ზონკარის კაშხლის უსაფრთხოების გაზრდას და მისი ფუნქციონირების გაუმჯობესებას. ახალი პროექტი დაეყრდნობა წინა პროექტის შედეგებს და ხელს შეუწყობს სასმელი და/ან სარწყავი წყლის მისაწვდომობის გაზრდას ადმინისტრაციული საზღვრის ორივე მხარეს მცხოვრები ასობით ოჯახისათვის.

ევროკავშირი შენიშნავს, რომ  ტერმინი „სამხრეთ ოსეთი“ გულისხმობს ცხინვალის მიერ კონტროლირებულ ტერიტორიებს. ამ ტერმინის გამოყენება არ ხელყოფს საქართველოს სუვერენობას და ტერიტორიულ მთლიანობას და არ უნდა იქნეს განხილული, როგორც რაიმე ფორმით დამოუკიდებლობის აღიარება.


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC