20:19, Tuesday, 10.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

დაკავებულია სასჯელაღსრულების დეპარტამენტის 10 თანამშრომელი

19.09.2012
სასჯელაღსრულების დეპარტამენტის 10 თანამშრომელია დაკავებული გლდანის მე–8 საპყრობილეში პატიმართა არაადამიანური მოპყრობის ფაქტებთან დაკავშირებით. ამის შესახებ 19 სექტემბერს მთავარმა პროკურორმა მურთაზ ზოდელავამ განაცხადა.

მათ შორის არიან: გაგა მკურნალიძე – სასჯელაღსრულების უსაფრთხოების დეპარტამენტის თავმჯდომარის მოადგილე; დავით ხუჭუა – გლდანის მე–8 საპყრობილის დირეტორი და ვიქტორ ყაჭეიშვილი – გლდანის მე–8 საპყრობილის დირეტორის მოადგილე, ასევე ამავე საპყრობილის კიდევ ოთხი თანამშრომელი.

დანარჩენი სამი პიროვნება საპყრობილის ის თანამშრომლები არიან, რომელთა დაპატიმრების შესახებ ინფორმაცია შინაგან საქმეთა სამინისტრომ 18 სექტემბერს გაავრცელა, როდესაც მან საკანში ორი ბადრაგის მიერ პატიმრის ცემის ამსახველი ვიდეომასალა გაავრცელა. შსს–მ განაცხადა, რომ პატიმართა მიმართ არაადამიანური მოპყრობის ორგანიზების, მათი ვიდეოფირზე დაფიქსირების და სოლიდური ფულადი ანაზღაურების სანაცვლოდ დამკვეთებისათვის გადაცემის შეთავაზება საპყრობილის თანამშრომლებმა მიიღეს ამავე საპყრობილის პატიმრისგან, თამაზ თამაზაშვილისაგან. ეს უკანასკნელი ბიძინა ივანიშვილთან დაკავშირებული პირია.

მთავარი პროკურორის განცხადებიდან გამომდინარე, გამოძიება კვლავ ამ ვერსიას იზიარებს.

„გამოძიების მიერ მოპოვებული მტკიცებულებით დადგინდა, რომ გლდანის მე–8 საპყრობილეში მოქმედებდა რამდენიმე ჯგუფი, რომლებიც არღვევდნენ პატიმართა უფლებებს. ზოგ შემთხვევაში ადგილი ჰქონდა წამების ფაქტებს“, – განაცხადა მურთაზ ზოდელავამ და შსს–ს ვერსია გაიმეორა, რომ „ერთი ჯგუფი“, რომელშიც 18 სექტემბერს დაკავებული პირები შედიოდნენ, პატიმრებს ცემდნენ და ამას ფირზე იწერდნენ.

მან ასევე განაცხადა, რომ საპყრობილის სამი თანამშრომელი და ყოფილი ბადრაგი ვლადიმერ ბედუკაძე, რომელიც ამჟამად ქართველი სამართალდამცავების მიერ იძებნება, „ვიდეოფირზე აღბეჭდავდნენ საკუთარ და სხვა პირთა დანაშაულებრივ ქმედებებს და სოლიდური ანაზღაურების სანაცვლოდ აწვდიდნენ ამ ფირებს მესამე პირებს“.

ზოდელავამ განაცალკევა ეს ჯგუფი იმ შვიდი პირისგან, რომლებიც 19 სექტემბერს დააპატიმრეს და რომელთა სავარაუდო მონაწილეობა პატიმართა წამებაში მას შემდეგ გამჟღავნდა, რაც ტელეკომპანიებმა „მაესტრომ“ და „მეცხრე არხმა“ სამშაბათს გვიან პატიმართა წამების და გაუპატიურების შემზარავი კადრები გაავრცელეს.

სასჯელაღსრულების დეპარტამენტის ათივე თანამშრომელს ბრალად ედებათ  დამამცირებელი და არაადამიანური მოპყრობა.

„მიმდინარეობს საგამოძიებო მოქმედებები სხვა დამნაშავე პირთა დასადგენად“, – განაცხადა ზოდელავამ.

სივილ ჯორჯია

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC