ბრიუსელიდან ჩართვისას „ობიექტივის“ ეთერში, ვლადიმერ ბედუკაძემ განაცხადა, რომ ერთ-ერთი წამებისას და გაუპატიურებისას, ახალაიას, ქარდავას და მუხაძეს ციხეში პატიმარი შემოაკვდათ. მან გარდაცვლილი პატიმრის გვარიც დაასახელა, რაზეც გადაცემის წამყვანმა პირდაპირ ეთერში ბოდიში მოიხადა.
ბედუკაძის განცხადებით, ციხეში წამების მსხვერპლი დაზვერვის ოფიცერი იყო და სამშობლოს ღალატის აღიარებას სთხოვდნენ.
„ძალიან მძიმე სათქმელია და განსაკუთრებით მძიმე მოსასმენია ეს მისი ოჯახის წევრებისთვის, მაგრამ მე ვადასტურებ, რომ ოფიცერი სწორედ წამების დროს შემოაკვდათ. ბაჩო ახალაიას და მეგის ქარდავას დავალებით, მას რეზინის ხელკეტით ალექსანდრე მუხაძე და ოლეგ ფაცაცია აუპატიურებდნენ. მზად ვარ, მათ ხელი დავადო და დავამტკიცო ის, რასაც ახლა ვამბობ. ამის დამადასტურებელი ვიდეომასალა ბაჩო ახალაიას სეიფში ინახება“, - განაცხადა ბედუკაძემ.
ვლადიმერ ბედუკაძე #8 საპყრობილის ყოფილი თანამშრომელია. ის წამების ფაქტების ჩანაწერს აკეთებდა. ბედუკაძემ საკუთარი განცხადების საფუძველზე დატოვა სამსახური. ის, ამჟამად, ძებნილია და ბრიუსელში იმყოფება. იგი ბელგიაში პოლიტიკურ თავშესაფარს ითხოვს.
TSpress.ge გარდაცვლილის გვარს შეგნებულად არ ასახელებს.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
