ზუგდიდში, სოფელ შამგონაში, კოლაცია „ქართული ოცნების“ მხარდამჭერებს, დემნა ხუბუას და მისი ოჯახის წევრებს ფიზიკურად გაუსწორდნენ.
ხუბუას საცხოვრებელ სახლში სოფელ შამგონის „ქართული ოცნების“ შტაბია განთავსებული.
როგორც ხუბუა აცხადებს, მასთან „ნაციონალური მოძრაობის“ რწმუნებულის ძმა, გელა შენგელია მივიდა და ფიზიკური შეურაცხყოფა მიაყენა. მისივე თქმით, ფიზიკურად გაუსწორდნენ საშველად გამოსულ ხუბუას ბიძაშვილს, საბინა ხუბუასაც. ინციდენტის მიზეზად დემნა ხუბუა „ქართული ოცნების“ გულშემატკივრობას ასახელებს და აცხადებს, რომ მას წარსულშიც ემუქრებოდნენ.
ინფორმაციას ტელეკომპანია „მაესტრო“ ავრცელებს.
ინტერპრესნიუსი