საქართველოს შინაგან საქმეთა სამინისტროში ადასტურებენ, რომ დაკავებულია ყოფილი სამხედრო მაღალჩინოსანი ნიკოლოზ ჯანჯღავა.
როგორც „ინტერპრესნიუსს“ შსს-ს პრესსამსახურის უფროსმა სალომე მახარაძემ განუცხადა, ჯანჯღავა ადმინისტრაციული სამართალდარღვევათა კოდექსის 173-ე მუხლით, პოლიციისთვის წინააღმდეგობის გაწევის ბრალდებით დააკავეს.
ჯანჯღავას 60-დღიანი პატიმრობა აქვს მისჯილი. ის 20 აგვისტოს დააკავეს და მახარაძის ინფორმაციით, პატიმრობის ვადა სავარაუდოდ, 19 ოქტომბერს ეწურება. თუ რა ვითარებაში მოხდა ჯანჯღავას აყვანა მახარაძეს ინფორმაცია არ აქვს.
ინტერპრესნიუსი